Tharum hmanga Independent sual chi a nih lo- Lal Thanhawla

Mizoram Pradesh Congress Committee (MPCC) President, Pu Lal Thanhawla chuan independent chu tharum hmanga sual chi a ni lova, Pathian in hun a tihah chuan min pe mai ang, a ti.
He thu hi Serchhip District-a Hrangturzo Block West Block East Joint Conference, Khawlailung Community Hall-a nimina neih a hmanpuina ah sawiin Pu Lal Thanhawla chuan Pathian ringtu Kristian kan nih chu kan thil tih reng rengah a laiah Isua kan dah a ngai a, Congress Party chuan Pathian lam \ang programme a neih avangin malsawmna a dawng a, mirethei te hnen thleng phakin hma a la mek a ni, a ti a. Mizoram chuan kum 1966 a\angin buaina a tawk a, buaina siamtute ni lo pawhin chu chu tuarin, he buaina hi politics thil a nih avangin Politics a buaina chu politics a chinfel chi a nih avangin Congress party chuan Mizoram-a remna leh muanna a awm theih nan hma a la a, mahni lal thutthleng kian thei khawpa hma a lakna chu Mizo mipui ten a zar kan zo a ni tiin, Congress party chuan a hmalakna tur thil reng reng ruahmanna thui tak nei sa vekin a duang lawk a, a arkhawthim dai ngai lo a ni, a ti bawk. He hunah hian Pu Lal Thanhawla hian an party zawm thar te lawmlutin Block pahnihte report atanga a lan danin, tun term khat chhungin mithar 2149 an nei tawh a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai