Latest News

Sipai-a \ang turte Chief Minister in a vailiam. Kum 4 chhungin mi 4000 vel Sipai-ah an lut thar.

Mizo \halai sipai \ang tura thlan mi 209 te chu nimin khan Chief Minister, Pu Lal Thanhawla chuan Aizawl a\angin a vailiam a, kum 4 chhung in \halai 4000 vel sipai-ah thun an nih thu Chief Minister chuan a sawi bawk.

    Heng Mizo \halai sipai a \ang tur te thlahna hun Army Recruiting Office, Aizawl leh Mizoram Youth Commission buatsaiha Chief Minister chuan Mzio \halai sipai-a \ang tur mi heti zat an awm chu lawmawm a tih thu sawiin, \halai a tam thei ang ber sipaia an luh theih nan central lama hotu lian te sawipui \hinin, district khawpui chauh nilo thingtlangah te sipai lakna nei \hin turin an ngen \hin thu a sawi a, sipai \an chu eizawnna \ha, an hlawh pawh avaia khawl theihna a nih thu sawiin, ram inpumkhatna atana pawimawh tak, rilru leh ngaihtuahna inpum-khatna thlentu ni thei bawk se a duhawn hle a ni, a ti a, sipai \ang tur \halaite chu hnamdang zingah Mizo palai an ni dawn tih sawiin, chuvangin chhung lam leh pawn lamah in uluk hle turin a chah a. Training hautak tak paltlang tur an nih avangin lung tilenglo turin a fuih bawk a. Mizote chu kumpinu hun lai a\anga sipaiah hnam rinawm, dawt sawi ngailo leh thuawih tak kan ni tih hre reng a, he nun zemawi hi vawng nung tlat reng turin a chah bawk a ni.
    He hunah hian Mizoram Youth Commission Chairman Pu Hmaingdailova Khiangte pawhin thu a sawi bakah Army Recruiting Office, Aizawl-a Director Col.DS Phansalkar pawhin sipai \an chu hna hmuhna ringawtah ngailo turin a chah a, mahni Mizopuite chauh kawm tum loa midangte pawh kawma \hianah siam thin turin a fuih bawk. Hemi hnu hian Chief Minister hian heng sipai \ang turte hi Assam Regimental Centre, Shillong pan turin a vailiam nghal a ni.

Comments

Popular News (Last 30 Days)