Serchhip-a RTI Week-2013 hmanna ah Hlemhletna dona tura RTI pawimawhna zirho a ni.

Mizoram Information Commission leh I&PR Department \ang-        kawp buatsaihin nimin khan Serchhip-ah ‘RTI Week 2013’ puala inkhawm a buatsaih a, District Bawrhsap Pi Juhi Mukherjee, IAS chuan a hmanpui a ni.
    Nimin a RTI Week 2013 puala inkhawm Serchhip DC’s Conference Hall-a neih ah hian khuallian Pi Juhi Mukherjee chuan mipuite ta tur Right to Information Act neih anih theih nan a beitu ten harsatna lian tak hnuaiah mahni inhlan in he dan hi an sual chhuak tih a sawi a, RTI Act chu sorkar langtlang leh rintlak neih anih theihna tura hmanrua pawimawh tak a nih avangin mipuite hian he dan hi kan hriatchian a kan bel a ngai a ni, tiin RTI activist te leh official te pawh inhmelma en mai lova ram leh hnam hmasawnna atana thawktu pawimawh tak an ni ve ve tih hriaa dan hnuaia dik taka mahni tih tur ang \heuh te huaisen taka kan tih ngam a ngai a ni, a ti a, Official te pawh RTI Act in a phut angin RTI Act hmanga dil chhuah kher ngai lova an hmalakna leh hmasawn dan te mipui hriat theih tura puanzar hreh lo turin a chah bawk. Serchhip-a RTI Week puala inkhawm hi Pu Lalsangliana, Addl. DC chuan kaihruaiin Pu Andrew H. Lalremruata, MIS, DIPRO Serchhip in hlemhletna dona tura RTI pawimawh zia tarlanna paper a buatsaih chu zirho a ni bawk.
    Serchhip-a RTI Week hman pual hian District Information & Public Relations Office, Serchhip chuan Serchhip khawchhunga High School leh Higher Secondary School zirlai te tan Slogan (au hla) inziahsiakna buatsaihin heta ti\ha te hnenah hian lawmman sem nghal a ni bawk a, ‘Mipuiten RTI Act hi eirukna umbona tur leh langtlang sorkar siamna hmanrua ah i hmang ang u” tih Lallawmkima s/o Lalbiakliana (L), Class-XII, Lal Thanhawla HSS ziah chu pakhatna ah thlan niin lawmman ah thuziak leh Rs. 1000/- a dawng a, ‘RTI– Hre tura mitinte Dikna Chanvo petu’ tih Lawrence Zirlianthanga s/o Lal-sangzuala, Class-X, Marian H/S ziah chu pahnihna niin thuziak leh Rs. 700/- a dawng a, ‘RTI hi dan rangkachak, kan dikna chanvo kanhumhalh theih nana huaisenna min petu a ni’ tih C. Lalrinfeli d/o PC. Vanlalkima, Govt. JM H/S ziah chu pathumna niin thuziak leh Rs. 500/- hlan a ni a, midang 4 hnenah thuziak leh Rs. 200/- \heuh hlan an ni bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai