Serchhip-ah SVEEP Awareness neih a ni

Serchhip District Bawrhsap leh District Election Officer ni bawk, Pi Juhi Mukherjee, IAS chuan Serchhip District chu India rama vote thlak \ha ber a nih theihna tura hmalak a nih thu a sawi.
YMA Sub-Hqrs. Serchhip leh DC Office in nizan hmasa a Serchhip Bazar-a SVEEP Awareness Campaign a hmanpuina ah he thu hi sawiin Pi Juhi Mukherjee chuan Serchhip District chu India rama ziak leh chhiar thiam tam berna District a nih thu sawiin, hei vang hian inthlanpui kan neih turah pawh vote nei ten vote an thlak ngaih pawimawh nachang an hriat a \ul thu a sawi a, hemi atan hian an theihtawp chhuaha hma an lak thu leh a tawp thlenga \an lak an tum thu sawiin, kum 18 chin chunglam vote nei thei tawp phawt chu vote thlak \heuh turin a sawm a, candidate zingah an duh an awmlo a nih pawhin EVM-a dah tel tur None of The Above (NOTA) hmeh mai theih a nih thu pawh a sawi a. Tin, kumin a Election ah Serchhip District chhunga Vote thlak Upa ber leh Naupang ber hnenah lawmman pek an nih tur thu leh Polling Station Vote tlak \hatna ber ah lawmman siam anih tur thute a sawi bawk. YMA Sub-Hqrs. Ser-chhip Vice President, Pu Lalzuiliana kaihhruai he hunah hian Pu Lalsangliana, Addl. DC pawhin thu sawiin Assembly inthlanpui hnuhnung berah Serchhip District-a vote nei ten vote an thlak \hat thawhkhat thu leh amah-erawh chu rampumah a sang ber ni tura \an lak a nih thu a sawi a, mipui ten awlsam zawka vote an thlak theihna tura sorkar ruahmanna te a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn