Serchhip-ah Labour Welfare Fund semchhuah a ni.

Labour & Employment Minister Pu Lalrinliana Sailo chuan nimin (4th Oct. 2013) khan Serchhip DC Conference Hall-ah kuthnathawktute \anpuina Labour Welfare Fund a sem a, nimin a \anpuina dawngtute hi mi 671 niin tangkafai Rs. 24,62,000 semchhuah a ni.

He \anpuina semna hunah hian Labour & Employment Minister Pu Lalrinliana Sailo chuan Labour Welfare Fund chu mihausa leh mirethei inkar zau lutuk tihzimna tur atana Sorkar hmalakna pakhat a nih thu a sawi a, Supreme Court thuchhuak angin Contractor te hnenah hna an hmuh apiangin 1% Labour Welfare Fund atan hian lak sak an nih thu leh Contractor lian tak tak ten hna an thawhin mirethei leh harsa zawk te an chhawr \hin a, hna an thawh zawhin sum tam tak nen min liamsan leh diak a, hna hahthlak zawng zawng thawktu labour te chu harsatna ngai reng kan tawk \hin a, mahse Labour Welfare Fund chuan heng harsatna te hi awmze nei zawka tlem tal pawh a sutkian sak kan beisei a ni, a ti bawk.
    Labour Welfare Fund kaltlang hian kut hnathawktute ham\hatna tam tak ruahman a ni a, kuthnathawktu in register te chu kum 60 an tlin hnu ah thlatin pension Rs. 400/- pek an ni a, an pension hma a an boral anih chuan Rs. 10,000/- in ral \hin an ni a, an hnathawhna hmuna boral an nih chuan cheng Nuai hnih in ral an nih bakah an fate zirna atan te leh thil chi hrang hrangah \anpuina a awm a ni. Nimin a \anpuina sem hi Kuthnathawktu fate zirna, school admission an tih theihna atana ruahman a ni a, kuthnathawktu fa mipakhat zel tan Rs. 2000/- sem niin fa pahnih nei hnenah Rs. 4000/- pek an ni a, fa pahnih aia tam nei mahse sorkar laipui dan dinglai angin pahnih chin bak \anpuina hi pek theih a ni lo thung.
    Minister hian \anpuina dawngtur te zinga thlanchhuah bik mi pahnih hnenah \anpuina hi a hlan a, a bak zawng chu Mizoram Labours’ Union hruaituten DC Office tualzawlah an sem chhunzawm a, nimin a dawng hman lo te tan pawh Vawiin October ni 5, 2013 (Inrinni) hian Little Flower Convent Schhol, P&E Veng Serchhip-ah sem chhunzawm a ni ang a, a dawngtu tur te hnenah pek kim vek anih hma chuan Serchhip an chhuahsan dawn loh thu Mizoram Labours’ Union hruaitute hian an sawi a ni. Minister hian Serchhip-a hun a hman zawh hian Labour Welfare Fund tho sem turin Thenzawl a pan nghal a, Thenzawl-ah hian tangkafai Rs. 1,72,000/- a sem leh dawn a ni.