Latest News

MNF. MPC leh MDF ten thawhhona an ziakfel

Nov. ni 25,2013 a Mizoram MLA inthlanpui lo awm turah Mizo National Front (MNF), Mizoram People Conference (MPC) Party leh Maraland Democratic Front (MDF) chuan thawhho an tum a, niminpiah chawhnu dar 2:00 khan MNF Office, Hnam Run-ah thawhhona thuthlung an ziak.
Thawhhona thuthlung ah hian MNF aiawhin V.Zokungpuia General Secretary, MPC aiawhin Dr. Kenneth Chawngliana Exe. General Secretary leh MDF aiawhin J. Rawna Gen. Secretary ten hming an ziak a ni. Thawhhona thuthlung an ziah zawha Press mite an kawm naah MNF Senior Vice President Tawnluia chuan, “Sorkar \ha, mipui huapzo, kan sakhua humhim tur leh hmasawnna hna thawk turin party 3 te hi kan thawk-ho a ni, “ a ti a. “Party pathum te Joint Manifesto tur pawh duan mek a ni a, Zirtawpni a campaign kick off hunah puan tum a ni,” a ti bawk. Press mite zawhna chhangin Zirtawpni hian candidate tur pawh puan hman beisei a ni, an ti a, Chief Minister candidate tur chu la ngaihtuah leh a ni ang, an ti bawk.
    Inremna an ziah ang chuan MLA seat 40 awmna ah MPC hian seat 8- Tuirial (ST), Chalfilh (ST), 1Aizawl North-I (ST), Aizawl North-II (ST), Aizawl East-I (General), Champhai South (ST), Hrangturzo (ST) leh Lunglei East (ST) te changin MDF te hian Palak (ST) an chang ve anga, a bak seat 31 chu MNF ten an chang dawn thung a ni. Kan thudawn in a tarlan danin MNF President Zoramthanga chu East Tuipui bialah a ding dawn a, Sr. Vice President Tawnluia chu Aizawl South-III, Vice President R. Tlang-hmingthanga South-II, Dr. R. Lal-thangliana Lunglei West leh Treasurer Vanlalzawma chu West-III ah te an ding dawn niin an sawi. MPC President Lalhmangaiha Sailo chu East-I bialah ding tura sawi a ni a, Senior Vice President Vanlalhlana chu North I ah, Vice President Zosiama Pachuau chu Chalfilh leh Treasurer Lalthan-sanga chu Hrangturzo bialah a ding dawn niin an sawi a. MDF President PP. Thawla chu Palak bialah a din leh rin a ni.
    Hetihlai hian Party dang pawh inthlanpui neih tur atan hian an inbuat-saih chho mek a, tunah hian bial hrang hrang viltu thlirin Candidate tur tlang-pui hi hriat theih ni tawhin tunkar hian Official-a an puan hlawm rin a ni.

Comments

Popular News (Last 30 Days)