Mizoram State Disaster Management Authority in leimin/tawlh tuar te sawn dan tur sawiho.

Mizoram State Disaster Management Authority (SDMA) chu nimin khan \hukhawmin Ramhlun Sports Complex-ah leh Ramhlun Vengthar huamchhunga tunhnaia leimin leh lei tawlh tuartute sawn dan tur an sawiho bawk.

    He \hutkhawm hi Mizoram State Disaster Management Authority (SDMA) Chairman leh Chief Minister ni bawk, Pu Lal Thanhawla hovin Chief Minister Office Cabinet Room-ah neih a ni a, he huna tarlan a nih dan chuan Ramhlun Sports Complex-ah leh Ramhlun Vengthar huamchhunga leimin leh leitawlh khuahkhirhna atan leh leimin zel tur ven nana Mizoram sorkarin central sorkara ruahmanna DPR a thehluh tawha senso tur cheng vbc. 21.02 a pawmpui tawhah, cheng vbc. 5.555 chu a hmahruaiah rawn pek a ni tawh a, hei hi SDMA chuan alo pawmpui a. Leimin na hmunah hian In a sak leh theih tawh dawn loh avangin leimin tuara ram hloh tawh zawng zawngte tan Ramhlun leh Chite inkara mimal ram awl zau tak chu sorkarin lei saka, an inbenbelna tur ram leh in din sak nise an ti a. He hmunah hian Ramhlun Sports Complex chhunga ram leh in hlohte chauh huam lo a, Ramhlun Vengthar, Ramhlun Venglai, Laipuitlang leh Tuikual-a leimin vanga ram leh in chante pawh huam thei turah ngaih a ni.
    He Meeting-ah hian sorkar Department zawng zawng huap ‘Mizoram State Disaster Management Plan 2012’ chu pawm a ni a, 14th Finance Commission a\anga sum beisei hmanga 5th IR Hqrs, Sakawrtuichhun-a State Disaster Response Force Training Centre tih changtlun leh Civil Secretariat, Khatla-a State Emergency Operation Centre din pawm remti in hemi atana \ul tur Deputy Director post, Assistant Director (Training/Operation) leh State Organiser post siam te pawh an remti bawk.