Mizoram Merchant Association in AMC Licensing Regulations, 2012 an dodal zel.

Mizoram Merchant Association (MIMA) chuan AMC in Licensing Regulations 2012 a siam chu ram leilung fate tan sumdawnna kawngah a him tawk lo nia an hriat thu sawiin, sut leh an phut thu an sawi.
Mizoram Merchant Association (MMA) hruaitute chuan nimin khan Aizawl Press Club-ah chanchinthar lakhawmtute kawmin Aizawl Municipal Council-in Licensing Regulations 2012 a siam chu Mizoram Merchant Association (MIMA) leh Aizawl Municipal Council (AMC) chuan vawi li (4) lai an zirho tawh tih sawiin, “Ram Leilung Fate sumdawnna kawng a chimral kan nihloh nan, AMC a registration dil apiang hnenah’ Permanent Residential Certificate Mizoram chhung a mi ngei emaw, ILP vawi 4/5 thi miah lova Renew nei ngei tura phutna, AMC Regulations ah hian ziah lan ni ngei se,’ tia kan rawtna chu Ammendment 2013 ah hian a tel ta miah lova. Chuvangin, Ram leilung fate himna atana kan duh ber chu a tel tak loh avangin, hmanchiah kan ngai lo a ni,” an ti.
    Hei bakah hian Mizoram Merchant Association (MMA) hruaitute chuan AMC Licensing Regulations, 2012 an duhlohna chhan hrang hrang pawh sawiin, ‘ILP hmangin Trade License diltu Non Mizo kan dang thei ang’ an tih chu dan theihna tur tlawhchhan hi an hmulo tih sawiin, ILP phutna a awmloh avang hian Law Court ah dinpui se a himna tur an hrelo tih an sawi a, he dan hian ram leilung fate chimralna kawng zau tak a hawn avangin Local Council emaw Department pawhin tuna AMC Regulations hnuaia Registration Certificate nei tur a phutna thuchhuah a awm pawhin lo ti rihlo turin an ngen a, he an hmalakna hian awmzia a neilo a nih chuan Dt. 02.11.2013 (Inrinni) dar 1:00pm-ah he Regulations bu hi MIMA huaihawtin sumdawng pawl hrang hrangte nen hal a ni ang tih an sawi bawk.

Popular News

MZI ten thisen an pe

Serchhip-a dah tur Gas ti chingpen man a ni

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn