Latest News

Kum 14 chhungin Human Trafficking tuartu mi 21 chhanchuak.

Kum 2000 - 2013 (kum 14 chhung) inkar chhungin Human Trafficking (Mihring hmanga sumdawnna) tuartu mi 21 Mizoram Police ten an chhanchhuak tawh a, heng chhanchhuah mi 21 te zinga mi 12 te chu Aizawl District chhunga khawsa an ni.
Human Trafficking thubuai, kum 2000 a\anga kumin 2013 inkar chhunga tuartu mi 211 chhan-chhuah te zinga mi 12 Aizawl District chhunga awm an nih laiin, hemi hun chhung hian Saiha District chhunga awmte zingah Human Trafficking tuar an awm lova, Lunglei, Lawngtlai-ah te mi pakhat ve ve in Human Trafficking-ah hian buaina tawkin chhanchhuah an ni a, Serchhip District leh Champhai District-ah mi pahnih ve ve an awm bawk. Kolasib District ah Human Trafficking tuartu mi pali hemi hunchhung vek hian awm bawkin, an pali hian chhanchhuah vek an ni.
    Kum 2000 khan Human Trafficking case-ah hian Mizoram Police te chuan mi 2 chhanchhuah an nei a, kum 2001-ah mi 2 vek chhanchhuak bawkin, kum 2002 ah mi 1 chhanchhuah an nei leh bawk. Kum 2003-ah Human Trafficking case thubuai ziahluh a awmlo a, kum 2004 leh kum 2005 ah mi 4 ve ve chhanchhuah niin, kum 2006 leh 2007 ah thubuai ziahluh a awmlova, kum 2008 leh 2009 ah mi 1 ve ve chhanchhuah an awm a, kum 2010 ah mi 2 chhanchhuah niin, kum 2011 ah mi 3, kum 2012 ah mi 1 chhanchhuah an ni a, kumin 2013 chhung hian Human Trafficking thubuai ziahluh ala awmlo a ni.

Comments

Popular News (Last 30 Days)