IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Nizan hmasa zan dar 8:00 hnu hret khan Serchhip Sesah lui bul, chhimlam kawng chu a chhaklam ko sang tak a\anga lei rawn min in a hnawh a, mihring leh In erawh den fuh erawh a neilo. He leimin vang hian nizan hmasa zankhua in helai kawng hi lirthei kaltlang theih a ni lova, nimin chawhma lam khan lirthei kaltlang theih turin leivung hi nawr sawn a ni a, leivung erawh paihfai ala ni rihlo thung a ni. Helai hmunah hian kar kalta lam pawh khan lei rawn tla tawhin a thlanga In leh Taxi pakhat a lo deng fuh tawh bawk a ni.
Comments
Post a Comment