Inthlanpui neih tura MPF hmalak tum dan thuthar lakhawmtute hnenah sawifiah.

Nimin chhun khan Mizoram Peoples Forum (MPF) hruaitute chuan Aizawl Press Club ah chanchinbu mite an kawm a, MLA inthlan loawm tura an hmalak tum dan hrang hrang an sawifiah.
    He hunah hian MPF President Rev. Lalramliana Pachuah chuan,"Inthlan laia party hrang hrang ten campaign office an neih \hin hi candidate ten \ul loa sum tam tak an sen ralna \hin niin a lang a. Chuvangin kumin Assembly General Election ah hian eng pawl mahin campaign office neih loh ni se tiin MPF chuan Party tin te a ngen a. Political Party leh MPF thawhhona thuthlung angin candidate-te chu inthlan hma ni 10 thleng House-to House campaign Programme siam theih a ni dawn a, MPF Local Forum te nen remruat tlangin programme siamho turin kan beisei a ni," a ti. MPF President chuan, "Kumin July thlaa HPC Demand Area huam chhunga Village Council inthlannaah khan pawl \henkhatte hmalakna avangin mimal zalenna hmanga vote thlak hleihtheih a ni lova, hei hi Democracy rahbehna a nih avangin tun hnuah chuan thleng tawh lo se kan duh a. Zoram hmun hrang hrangah eng eng emaw thil ngiat leh beisei avanga inthlanna boruak tibahlah leh tibuai thei zawnga che lo turin kan ngen a. Helte hmanruaa hman leh ralthuam chelekna awm thei te huai taka dodal \heuh turin mitin kan ngen a ni," a ti bawk.
    He hunah hian MPF President chuan mi \henkhat ten MPF General Secretary a bang nia an sawi chu thudik a nih thu sawiin, General Secretary hian “Kumthar lamah chuan ka lo awl ve tawh ang e,” tiin MPF Committee ah a thlen a. MPF General Secretary post hi Synod chan a ni a, Upa Lalramthanga hi Synod mi rawih, hun puma thawk a ni a. A pension hnuah pawh full time a rawih chhunzawm zel a nih avangin Synod Executive Committee hnena thlen mek a ni chauh zawk a ni, a ti bawk. Zawhna chhangin MPF in Joint Platform a siam turah chuan a duh apiang a tel theih tawh dawn a, chhawk a awm tawh dawn lo a ni tiin Delhi lam a\anga lokal an awm pawhin inkhawm kaihhruai hna chu MPF lamin a thawk turah kan ngai a ni, an ti a. MPF chuan thuthlung an ziah anga thilti lote chu puanzar chiah a ti thei a ni tiin 'mi hekna leh a phe apiang um zel tur kan ni lova, document \ha tak a awm chauhin thil kan ti dawn a. Mipui te pawh thil chianglo ah chuan complaint siam lo turin kan ngen a ni' an ti.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai