Inthlanpui neih tur thlirin District pahnih-ah \hutkhawm neih a ni.

Mizoram Legislative Assembly inthlanpui neih tur thlirin nimin khan Lunglei leh Mamit-ah te District Standing Committee \hutkhawm neih a ni.
Lunglei-ah chuan District Standing Committee hi an Chairman leh DC ni bawk, Pu V. Sapchhunga hovin a Office Chamber-ah \hukhawmin DC chuan kumin Mizoram inthlan turah kumdanga tih ngaih loh thil thar tam tak a awm thu a sawi a, hei hi Election Commission in inthlan huna candidate leh political party ten uchuak lutuka sum an sen \hin chu khuahkhirh an tum vang a ni ber tih a sawi a, inthlanna boruak tichhe zawnga chetna te, sum leh pai leh thildang hmanga inthamna te, invauna leh ralthuam/hriamhrei cheleknate reng reng awm lo tura hmalak a nih thu pawh sawiin, sum leh pai leh thildang hmanga vote lei leh inthamna chi reng reng chu, a petu leh a dawngtu angkhat rengin hrem theih a nih thu Committee a hrilh bawk a ni.
    Mamit-ah pawh District Level Standing Committeee hi an Chairman, Pu V. Lal-remthanga, District Election Officer hovin DC’s Conference Hall-ah neih a ni a, Pu V. Lalremthanga chuan kumin 2013 General Election-ah hian Election Commission of India chuan inthlanna thianghlim leh felfai a awm theih nana ruahmanna chi hrang hrang a siam thu sawiin, hemi atan hian ruahmanna pawh ngawrh takin kalpui mek a nih thu leh mipuite'n kan duh tak kan thlanchhuah theih nan leh khua leh tui dik tak vote nei te’n a vote an thlak \heuh chu sorkar duh dan anih thu a sawi a, chumi atan theihtawp chhuah turin Committee members te a ngen bawk. Mamit District-ah hian Polling Station 110 awmin heng zingah hian Critical Polling station 10 a awm a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn