Inthlan chungchangah Talk Show neih a ni

Assembly inthlanpui lo awm tura Election Commission of India in Dan thar a siam te inhrilhhriatna atan Serchhip-ah Talk Show neih a ni.
Serchhip District Bawrhsap leh District Election Officer ni bawk Pi Juhi Mukherjee, IAS ruahman angin nimin khan DC Video Conferencing Room-ah Mizoram Inthlanpui lo awm tur chungchang a Election Commission of India in ruahmanna leh dan thar chi hrang hrang a siam chungchanga mipuite tana hriattur pawimawh te inzirtirna atan sawihona ‘Talk Show’ neih a ni. He Talk Show-ah hian mithiam thlan bik ten chanvo insem in Model Code of Conduct (MCC), Expenditure Monitoring, Media Certification and Monitoring Committee (MCMC) leh thil tul dang te mipuite hriatthiam theih turin an sawi a; thu sawitute hi :
Pu Lalsangliana, MCS, Additional DC, Serchhip (Hrangturzo Constituency R.O.)
Pu F.J. Liantluanga, MCS, Project Director, DRDA Serchhip (Tuikum Constituency R.O.
Pu Lalhmansanga, MCS, Election Officer.
Pu Andrew H. Lalremruata, MIS, DIPRO Serchhip (Member Secretary, MCMC)
                  Ruahman dan chuan he Talk Show hi tunkar chhung ngeia tihchhuah hman tum a ni a, Talk Show hi CD/DVD a la chhuakin Serchhip District-a Assembly Constituency tina khua zawng zawng a thlen theih nan; Cable Operator leh Sub-operator zawng zawng ten an tihchhuah tura thawn darh a ni ang.

Popular News

Mizoram-ah Faina Hapta hman \an leh a ni

Retailer bukna diklo 3 man