Hlamzuih chungchang ngaihtuahna kalpui mek zel a ni.

Hlamzuih tibo turin Mizoram a Kohhran lian ber Presbyterian Kohhran chuan hma a la mek a, thla leh November a SEC \hutkhawm hunah ngaihtuah leh atan an dah a, Mizoram-a tlawmngai pawl lian ber Central YMA pawhin Oct. ni 15-17 chhunga Khaw-bung-a khawmpui an neih turah Hlamzuih chungchang hi an sawi kai dawn nia hriat a ni.
Synod Senior Excutive Secretary, Rev. Vanlalzuata chuan, "Keini chuan hlamzuih hi awm tawhlo se kan duh a, hemi chungchangah hian YMA bakah kohhran hrang hrang leh khaw-tlanga mi rawn kai deuhte kan sawipui a, mahse tun dinhmuna han tihbo nghal chu kan huphurh deuh niin a lang a, November thla a SEC \hutkhawm neih hunah ngaihtuah leh atan kan dah ta rih a ni," a ti. Hetihlai hian Central YMA hruaitu pakhat chuan, "Kumin YMA khawmpui, Khawbung a neih turah chhiatni chungchang en\hat dilna hi ngaihtuah kan tum a. Khawmpui rorel palai ten an phal chuan nakkum khawmpui ah Hlamzuih chungchang hi chu kan ngaihtuah chauh dawn a, chuvangin kan hmanhmawh rum rum theilo a ni," a ti. Mizoram Upa Pawl (MUP) Treasurer PC Lalmawia chuan, "Pawl ang chuan thumum fak chu kan la neilo a, mahse kan sawihona mai mai ah chuan Hlamzuih hi awmlo mai se tih hi kan ngaihdan a ni," a ti bawk.

Popular News

Mizoram-ah Faina Hapta hman \an leh a ni

Retailer bukna diklo 3 man