FAO Team ten Serchhip District-a sorkar hmalakna rawn tlawh.

United Nations hnuaia Food & Agriculture Organisation (FAO) India Representative Dr. Peter Kenmore leh a team te chuan nimin khan Serchhip District a sorkar hmalakna \henkhat te an tlawh kual.
FAO Team hian Baktawng khua a Furniture siamna, Bel chhunna leh Aloe Vera Processing Unit te an tlawh a, heng an thil hmuh te hi \ha an tih thu an sawi rualin, hriatna zau zawk leh hmanraw \ha zawk hmanga hmalak belh theih dan tur te an sawi a, Pu Ziona ho te awmna hmun Chhuanthar Centre ah hun engemaw chen an leng lut bawk a ni. Baktawng a\angin FAO Team hian Serchhip an pan a, District Bawrhsap Pi Juhi Mukherjee, IAS chuan lo dawngsawngin chawhnu dar 2:30 ah Serchhip DC Conference Hall-ah NLUP Line Department hrang hrang hotute nen an inkawm hova, hetah hian Dr. Kenmore chuan North-East India hi India ram zau zawng za a pariat (8%) lek a zau nimahse India rama thlai (plant species) chi hrang hrang za a sawmnga pahnih (52%) awmna hmun anih avangin a pawimawh a, Bio-diversity hotspot ani tih a sawi a, Environment tlachhe tur venhim chu an thupui ber pakhat anih thu sawiin, United Nations Millenium Development Goal, kum 2015 a tihhlawhtlin tura ruahman chu a tak ram chan tir turin theihtawp an chhuah thu a sawi bawk. Dr. Kenmore chuan Mizoram thilsiam chhuah leh tharchhuah te chu a hralhna tur (Market) mumal ngaihtuah ngai a a hriat thu sawiin, heng te hi khawvel hmun zau zawka hralhchhuah tlak an ni a, Aizawl piah lam, India ram pawn thleng a hralh anih theih nan leh kuthnathawktute pawhin nasa lehzuala a hlawkna an hmuh theih nan \an lak nasat a \ul a tih thu a sawi bawk. FAO Team hian Serchhip a hun an hman zawh hian Thenzawl panin an chhuak leh a, Thenzawl-ah hian Handloom Production Units tlawhin hemi hnu hian Aizawl an pan leh nghal a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai