FAINA HAPTA DENCHHENIN SERCHHIP-AH HIGH SCHOOL ZIRLAITE TAN DEBATE COMPETITION BUATSAIH A NI

Faina Hapta hman mek denchhen in Urban Development & Poverty Alleviation Department, Serchhip chuan Dt. 4th Oct. 2013 chawhnu dar 3:00 khan Serchhip DC Conference Hall-ah “FAI HI MITININ KAN TLIN A NI” tih thupuia hmangin Serchhip Town Area “Inter-High School Debate” a buatsaih a, High School paruk he intihsiakna ah hian an tel a ni.

Debate huaihawttu Pu ST Lalhmingmawia, Sanitation Officer, UD&PA Department, serchhip chuan zirlaite chu faina chungchang leh thil dangah pawh midangte tihhmuhtu leh zirtir chhawng tu tha ber an ni ti a zirlaite chu fuihin Debate atanga faina chungchang thilthar zirchhuah theuh tumturina chah a ni. He debate ah hian Serchhip Town Area a High School paruk – Government High School, Serchhip,  Government PCR High School, Serchhip, Government JM High School, Serchhip, Marian High School, Serchhip, Millenium High School, Chhiahtlang leh Government High School, Chhiahtlang te an tel a, Debate result chu hetiang hi a ni :
Pakhatna -   Lalmuankima, Class-X ,Government High School, Serchhip (Best Debator)
Pahnihna – Laltanpuia, Class-X,Government PCRHigh School, Serchhip
Pathumna – Vanlalngilneii, Class-X, Government JM High School, Serchhip
Lawmman hi Faina Hapta kharna inkhawm October ni 7, 2013 (Thawhtanni) a neih hunah Serchhip Bawrhsap Pi Juhi Mukherjee-in a hlan ang.

Popular News

Mizoram-ah Faina Hapta hman \an leh a ni

Retailer bukna diklo 3 man