District Level PYKKA Sports neih \an a ni

Nithum chhung awh tur Serchhip District Level Panchayat Yuva Krida Aur Khel Abhiyan (PYKKA) Sports vawi 5-na chu nimin khan Serchhip-ah neih \an  a ni a, he Sports-ah hian infiamna chi hrang 10-ah inelna neih a ni ang.
District Level PYKKA Sports hawnna inkhawm hi Serchhip DC’s Conference Hall-ah neih a ni a, he hun hmanpuitu, Pu FJ. Liantluanga, Project Director DRDA chuan he Sports hi hawngin District Level PYYKA Sport a infiammi lo kal khawmte chu District Level mai nilo, State Level leh National Level thlenga tihtak zet leh theihtawpa infiamna a tling chho zel thei tura fuihin, zirna leh eizawnna kawngah he infiamna kaltlang a hlawhtlinna nei chho zel turin a a fuih bawk a ni. He Sports hawnna hun hi Pu Andrew H. Lalremruata, DIPRO chuan kaihruaiin District Level PYKKA Committee Secretary, Pu Lalremruata Ralte chuan lawmthu sawiin he PYYKA Sport hi Competition mai piah lamah Talent Search na a ni bawk tihthu leh he District Level PYYKA Competition hlawhtlinna tura tha leh zung seng tute zawng zawng chungah lawmthu a sawi bawk
Serchhip District PYYKA Competition 2013 ah hian Serchhip District chhunga R.D. Block pahnih Serchhip leh E.Lungdar atangin infiammi mi 100 chuang te chu infiamna discipline chi hrang hrang 10 (sawm) ah an inel dawn a, heta ti \ha te hian State Level PYYKA Sport ah Serchhip District ai an awh dawn a ni. Discipline hrang hrangte hi a concerned-District Level Sports Association ten buaipuiin intihsiakna an kalpui a ni.
Sawrkar Laipui remruatna angin Serchhip District PYYKA Rural Competition 2013 buatsaih na atan hian Rs. 20,000/- (Rs.20,000/- per Discipline) ruahman a ni a, hei bakah hian Lawmman (Prize Money) atan a hranpa a sum ruahman niin Discipline tin a (Individual & Team) champion in Rs. 150 + Trophy + Certificate an dawng ang a, Runner-up in Rs. 100 + Trophy + Certificate an dawng ve thung ang.
PYKKA Competition hi Panchayat, Block, District, State leh National level ah neih thin niin Serchhip District bik hi State level PYKKA Competition a champion lai an ni.
Sports Discipline  hrang hrang khelhna hmun leh hun hetiang hian ruahman a ni:
S. No.       Discipline                   Khelhna Hmun      Khelh Hun
1.      Athletics Khawtetlang Field, New Serchhip October 23&24, 2013
2.      Badminton Bukpui Indoor Stadium October 23, 2013
3.      Boxing Serchhip Indoor Stadium October 22&23, 2013
4.      Football Khawtetlang Field, New Serchhip October 22, 2013
5.      Hockey Khawtetlang Field, New Serchhip October 22, 2013
6.      Judo New Serchhip YMA Hall October 23, 2013
7.      Taekwondo New Serchhip YMA Hall October 22, 2013
8.      Table Tennis T.T.Academy Hall, New Serchhip October 22, 2013
9.      Weightlifting Serchhip R.D. Block BNRGSK Hall October 22, 2013
10.      Wrestling Serchhip R.D. Block BNRGSK Hall October 22, 2013


Popular News

Mizoram-ah Faina Hapta hman \an leh a ni

Retailer bukna diklo 3 man