Latest News

CSS Hindi zirtirtu ten Edn. Minister hovin Special Assembly an nei.

Mizoram CSS Hindi Teachers’ Association (MCHTA) chuan nimin khan Aizawl Chanmari YMA Hall-ah Special Conference an nei a, he hun hi Education Minister, Pu Lalsawta chuan a hmanpui a ni.
He hunah hian Pu Lalsawta chuan CSS Hindi zirtirtute chu a hun taka hlawh an lak theihloh avangin nitin khawsaknaah pawh an buai phah hle tih Sorkar in a hriatpui thu a sawi a, an hlawh chu Ministry of Human Resource Development-in za-a-za a rawn pek tur a ni a; hemi chungchang buaipui tur hian department official-te an in tirh fo thu sawiin, “Tunah hian in thla thum hlawh tur chu Finance Minister-in min ngaihtuahsak a, hei hi NLUP pawisa a\anga lo hman lailawk tur niin, a dangte pawh a hringtu che u kan nih angin, kan ngaihtuahsak zel dawn che u a ni,”a ti bawk. Education Minister chuan CSS Hindi zirtirtute chu an dawhtheihna avanga lawmthu hrilhin, thudik ziktluaklo thehdarh kawngah kan fimkhur tlan a pawimawh a ni, a ti bawk. Hei bakah hian Pu Lalsawta chuan Hindi \awng pawimawhzia sawiin, phai lam nena indawr kawngah leh mimal tan pawh Hindi thiam chuan nasa takin kawngro a su dawn a ni, a ti a. Hindi kan zirdanah sorkar chuan kalphung thar a ruahman thu sawiin, zirlaite chu Hindi \awng hman tam tir an ni anga, hei hian anmahni ah tuina leh zir phurna pein, “Hindi \awng hi a takin kan thiam tawh dawn a ni,” a ti bawk. Sorkar chuan zirna mitin huapzo leh khawvel mila her danglamturin  hmachhawp a nei a; tum mumal leh fel tak nen, working grourp leh task force-te dinin, hlawhtling ngei tura hma chak taka lak a nih thu a sawi bawk. Mizoram CSS Hindi Teachers’ Association (MCHTA) hi kum 2011-a din niin, Sub-Headquarters hi District panga- Champhai, Kolasib, Mamit, Lunglei leh Serchhip-ah te an nei a; Aizawl, Lawngtlai leh Saiha District-ah te Convener an in dah bawk. Tunah hian CSS Hindi zirtirtu hi Middle School-ah 916 awmin, High School-ah 389, an vaiin 1305 an awm mek a ni.

Comments

Popular News (Last 30 Days)