Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Central YMA hruaitu thar te

YMA General Conference vawi 68-na, Khawbung khua a neih zawh takah Returning Officer, Pu Lalchungnunga kaihruaia hnuaiah kum 2013-2015 chhunga Central YMA hruaitu tur thlanna neih a ni.

Kumin a Central YMA hruaitu thlanna hi boruak zangkhai tak hnuaiah tluang taka neih a ni a, President thlanah vote tla 2438-ah 1927 chu Lalbiakzuala (Khatla) chuan hmuin hneh taka thlantlin a ni a, Vice President-ah Vanlalrema Rokhuma (Zemabawk) thlantlin niin ani hian vote tla 2424-ah vote 828 a hmu a ni. Gen Secretary dinglai Vanlalruata (Tuikual South) chuan vote tla 2398-ah vote 1415 a hmu a; Asst. Secretary-ah Lalhmachhuana (Chaltlang North) chuan vote tla 2240-ah vote 1060 a hmu a; Fin. Secretary nilai J. Lalsailova (Mission Veng) chu Treasurer-ah thlantlin niin ani hian vote tla 1954-ah vote 1254 a hmu. Fin. Secretary-ah Lalrochuanga Pachuau (Zarkawt) thlantlin niin a ni hian vote tla 1965-ah vote 835 a hmu a ni.
Kumin a Central YMA hruaitu thlanna ah hian hruaitu dinglai a\angin President, Pu T. Sangkunga chu Nomination atanga inhnukdawkin Asst. Secretary nilai, RL. Rindika leh Treasurer nilai R. Lalngheta te  te chu an chawl a, midang  3- Vanlalrema Rokhum, Lalhmachhuana leh Lalrochhuanga Pachuau te an rawn lut ve leh thung a ni.

Comments

Popular News (Last 30 Days)