Latest News

Bio-Medical Waste Management chungchang zirhona neih a ni.

Damdawi In bawlhhlawh sangbawl dan leh thehthang dan bakah danin a phut thil chi hrang hrangte zirhona tur chu nimin khan Aizawl-a I&PR Conference Hall-ah neih a ni a, Vawiin ah chhunzawmin zawhfel a ni ang.
Bio-Medical Waste Management chungchanga zirhona hun hi Health Minister, Pu Lalrinliana Sailo chuan hmanpuiin Damdawi In bawlhhlawh sawngbawl leh thehthang dan tura dan awmte ngaihpawimawh a \ul thu leh Health Care atan pawh cheng vbc. 150 a awm thu te, Health Care bik hi tihchangtlun chhoh a nih tur thu leh Private Hospital te pawh an bawlhhlawh sawngbawl leh thehthang dan chungchangah dan zawm tura khirh zawka kal chhoh pui a nih tur thu a sawi a. Falkawn-a Referral Hospital pawh tihchangtlun chhoh a nih tur thu Minister hian sawiin, damdawi In bawlhhlawh sawngbawl leh thehthang danah hian dan ang taka kal chhoh pui a nih tur thu a sawi bawk.
    Damdawi In bawlhhlawh te hian natna hrik hlauhawm tak tak a pai theih avangin mihring hriselna atana hlauhawm a, Bio- Medical Wastes (Management & Handling Rules) 1998 in a sawi angin uluk tak a thehthang tur a ni a. He mi chungchangah hian Mizoram State Pollution Control Board chu Prescribed Authority niin, an ni hian damdawi In, PHC, CHC, Nursing Home, Veterinary Institution leh Pathological Laboratory-te bawlhhlawh sawngbawl dan enfiah tur leh, dan an zawm loh chuan Supreme Court Monitoring Committee zahawm takin a kawhmuh angin,an chunga dan lekkhawh tura thu neihna pek an ni. Damdawi In bawlhhlawh reng reng hi chi hrang 10-ah \hen a ni a. A hlauhawm dan a zirin fimkhur taka dah hran a, sawngbawl hmasak ngai chite sawngbawla fel fai tak a thehthang tur a ni.Tin, Damdawi In leh Pathological Laboratory reng reng hian Mizoram State Pollution Control Board-ah phalna an la vek tur a ni bawk.

Comments

Popular News (Last 30 Days)