Assembly inthlanpuia vote tla a \hat theihna tura hmalak dan tur hrang hrang ruahman a ni.

Serchhip District Bawrhsap leh District Election Officer ni bawk Pi Juhi Mukherjee, IAS hovin niminpiah khan Assembly inthlanpui lo awm tura Vote a tlak \hat theih dan tur sawihona neih a ni.
Serchhip DC Office Chamber-a  District Level Systematic Voters Education and Electoral Participation (SVEEP) Committee \hukhawm hian Assembly inthlanpui neih tura mipui ten \ha zawka vote an thlak theih dan tur hrang hrang ruahmanin Model Code of Conduct-in political party te chu voters te lirthei hmanga vote thlak tura hruai a khap avangin Serchhip District MPF te chu  tar leh upa chak lote tan a \ul anga vote an thlak theih dan tur ngaihtuah sak tura ngen nise tiin inthlan hnuhnung bera vote tla a\anga chhuta vote tla punna sang ber Polling Station leh kumin Inthlana vote tlak \hat berna Polling Station hnenah lawmman siamin Polling Station tina vote thlak upa ber leh naupang ber hnenah Certificate/Citation hlan nise an ti a, Vote thlak tura kal zinga upa zual te, dam \halo, raipuar hram tawh leh nausen pawm te tan rei tak intlar/nghak lova vote thlak tir tura hriattir tur leh lo buaipui turin Polling Party tin te beisei an ni. Tin, Govt. Serchhip College-ah Facilitation Centre/Help Desk siam a ni anga, College zirlaite zingah January ni 1, 2013-a kum 18 tling tawh, India khua leh tui dik tak, E. Roll-a la chuang lo te chu College zirtirtu te nen zawng chhuakin Roll-a thun turin dilna siam tir an ni anga, hetiang Centre hi Serchhip Bazar-ah pawh Inrinni dar 6:00 AM - 4:00 PM thleng hawn a ni anga, Higher Secondary School Principal zawng zawng te chu an zirlai ah January ni 1, 2013-a kum 18 tling chin, India khua leh tui dik tak Electoral Roll-a la chuang lo an awm chuan zawng chhuak a BLO kaltlang-a Roll-a inthun dil tura hma la tura beisei an ni bawk.
    Hei bakah hian Serchhip khawpui chhunga YMA Branch hrang hrang te tan SVEEP Rally chu Dt. 21st - 25th Nov., 2013 chhungin buatsaih tum a ni a, a \ul angin YMA Sub-Hqrs. Serchhip in hma an lo la dawn a, hei bakah hian YMA Sub-Hqrs. Serchhip hian Sub-Hqrs. huapin intawhkhawmna a huaihawt anga, he hunah hian SVEEP Campaign neih a ni dawn bawk a ni. Tin, Dt. 25.10.2013 - 4.11.2013 chhung hian Serchhip District chhungah ASHA Worker 56, Anganwadi Worker 154 leh Gram Sevak 20 ten In tinah lutin SVEEP Campaign an neih dawn bakah Sub-Hqrs. YMA, MHIP leh MUP te chu an hnuaia Branch tinte hnenah inthlanpui neih huna vote a tlak \hat theihna tura hm,a la tura ngenna lo siam tura beisei an ni bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man