Assembly inthlanpui neih tura sum hman dan endik tur ten an hna an thawk \an dawn.

Assembly inthlanpui neih tura political party leh candidate-te senso leh dan bawhchhiatna a awm leh awm loh viltu tur Team hrang hrangte chu Serchhip-ah kokhawmin hna an thawh dan tur hrilhfiah an ni.
Serchhip District chhung Assembly Constituency pathuma inthlan buaipuitu tur, mawhphurhna hrang hrang neite tana training Serchhip DC Meeting Room-a neih ah hian Video Surveillance Team te, Static Surveillance Team te, Flying Squad te, Video Viewing Team leh Accounting Team te telin Pu Lalsangliana MCS, Additional DC chuan zirtirna a pe a, he hunah hian Pu Sangte-a chuan sorkar hnathawk inthlana duty turte chu Election duty-a chhuak an nih chhung chuan ruihtheih thil lakah pawh insumin an fihlim a ngai a ni tih a sawi a, hna an thawh danah pawh tute emaw hlauh vanga mahni zahawmna hloh ai chuan dik taka tih ngam chu a \ha tih sawiin, tute emaw a\anga nghawng duhawm lo thlen thei anga lang a nih pawhin Election Commission-in inkaihhruaina dan a siamte zawma, dik taka an ti a nih chuan hetiang thil thleng thei lak a\ang hian ECI hian min hum theihna dan a nei tih a sawi a, ‘dik tak leh huaisen taka mahni hna hlen chuah ngam hi a himin a \ha ber a ni,’ a ti bawk.
    Hei bakah hian Pu Lalsangliana chuan inthlan buaipuitu turte chu sorkar hna thawk an nih angin hna thawh pangngai nei sa vek an ni tih sawiin, heng an hnate hi an hawisan vek rem lo chi te a nih ve tho avangin a theih chin chinah an hna pangaite hmuitel pah dan an zawn thiam a \ul thu a sawi a, amaherawhchu inthlan kaihhnawiha an mawhphurhna erawh hi chu inthlan a zawh fel hma chuan pawhchhiat a thianglo tih a sawi bawk. Inthlanna buaipui tura training zingah hian Static Surveillance Team te, Flying Squad-te leh Video Surveillance Team te chu an motor hman tur te nen an awmna hmun tur lam panin nimin tlai khan an chhuak nghal hlawm a ni.

Popular News

Mizoram-ah Faina Hapta hman \an leh a ni

Retailer bukna diklo 3 man