Artificial Turf phah \an

Mizoram-a a 4-na turin Champhai-a Chhangphut Foirld-ah Artificial Grass phah hna chu thawh tan a ni ta.

Champhai Chhangphut Field-a Artificial Grass phah turin nimin (4th Oct. 2013) khan hna bul \an a ni ta a, Artificial Turf phah hna hi Lushai Engineers, Construction & Consultancy Company ten thawkin Italy Company Limonta an thawhpui dawn a ni a, tunah hian an hnathawhna tur khawlte pawn rawn kalpui mek a ni a, Mizoram hmun danga Artificial Turf phah tawh te hi an siam lai khan FIFA Approved an la nilova, hemi vangte hian an field siam hi International Standard a ni lo tih Lushai Engineers hotute chuan an sawi a, Cham-phai Chhangphut Field hi Mizoram a FIFA Certified Field hmasa ber tur a ni. An thawhpui tur Limonta Company te hian AC Milan, Ajax te bakah khaw-vel a Stadium langsar te pawh an lo siam tawh a, Chhangphut Field hi an ruahman dan chuan a vang Metre 75 leh a dung metre 110 a siam tum niin tuna an inrem siam dan chuan thla thum chhunga thawh zawh tum a ni.