Zoramthar Duhtute’n MLA inthlanpui neih tur chuh an tum.

Zoramthar Duhtute (Beiseina Thar) pawl chuan kumin kumtawp lama Mizoram MLA inthlanpui lo awm turah chuh an tum thu leh mipui sorkar a din theihnan theihtawp chhuah an tum thu an sawi.
Zoramthar Duhtute Chairman, SL. Sailova, IAS (rtd) chuan, "Kum 40 chuang kan ram rorelnaah vua leh vang leh party mi leh sa induhsakna chauh kan hmu a, mipui ten chanvo kan nei chau a, party ten inthlan huna tlin leh theihdan chauh an ngaihtuah avangin mipui sorkar a din theih nan hma kan la ta a ni," a ti. Zoramthar Duhtute pawla General Secretary, Dr. Zodinpuia Pachuau chuan, "Sorkar kan hrawn tawhte-ah beisei tur a awm lo tih kan hria a, kan hrawn tawhte ang bawk kan hrawn leh chuan sorkar tha a piang thei dawnin kan ring lova; mipui beisei sorkar tha a awm theih nan 'Zoramthar Duhtute' tih pawl hi a lo ding ta a ni," a ti a. Mipuite tha tihchak, an chanvo tihhlawhtlin, mipui beidawng tawh leh kal ngaihna hre lo ang hiala lo awm tawhte kaihthawh chu an pawl tum a nih thu a sawi bawk. Press miten, 'Political party thar din in tum em?' tiha an zawhna chhangin, "Party thar din kan tum lo a, mahse kan kalphung tur hi chu party kalphung ang a ni ang a, candidate siam kan tum a ni," an ti.
    Zoramthar duhtute chuan Election Commission of India in 'unregistered party' angin a pawm thei tih sawiin, "Tun inthlanah hian candidate kan neih zat tur kan la hre lo a, mahse 5 tal kan neih chuan 'common symbol' kan hmang thei dawn a ni” an ti a. "Kan thuthlung ang min \awmpui theitu chu political party an ni emaw tupawh nise inremna kan ziahpui thei a ni," an ti bawk. Sorkar sum dinhmun tih\hat chu an tum lian ber a ni tih sawiin Chairman SL. Sailova chuan, "Sorkar hnathawk hlawh tihniamin corruption hi nek chep ila, tun ang hian kan sum dinhmun a chhiat ka ring lo," a ti a. Candidate tur mi \ha tak tak sawm an tum tih sawiin, "An awmloh chuan tlak pawh huamin kan ding mai ang," a ti a, an candidate tur ten rinawmna thutiam an ziak vek ang a, an tih\hat duhloh chuan bang mai tura ngaih an ni dawn tih a sawi bawk. Zoramthar Duhtute pawlah hian SL. Sailova, IAS (rtd) chu Chairman niin Lalngheta Sailo, IPS (rtd)chu Vice Chairman a ni a, General Secretary chu Zodinpuia Pachuau, Treasurer Dr. Lalnunthara, Secretary Dr. Chawnglungmuana leh midang te an awm a ni. An thiltum Zoramthar Duhtute hi mipui zawng zawng lenna tur Pawl a ni a, kan hma lawka 2013 Mizoram Legislative Assembly (MLA) Inthlannaah hian Mipui Sorkar a din theihnan theihtawp a chhuah dawn a ni. Party sorkar ni lo, Mipui Sorkar siam tura rawn ding chhuak a ni a, Zoramthar Duhtu zawng zawngte tel theihna Pawl a ni.

Popular News

Mizoram-ah Faina Hapta hman \an leh a ni

Retailer bukna diklo 3 man