Latest News

Zoram Saltlang Chhanchhuahna kawngzawh ten Serchhip-ah Vantlang inkhawm an buatsaih.

Zoram Nationalist Party (ZNP) in Aizawl leh Lunglei inkara Zoram Saltang chhanchhuahna kawngzawh an buatsaih haw lam chuan nimin tlai khan Serchhip rawn lutin Serchhip-ah hian vantlang inkhawm tawi neih a ni.

ZNP in nimin tlaia Serchhip Bazar-a vantlang inkhawm an buatsaih ah hian ZNP Vice President leh MLA ni bawk, Pu K. Liantlinga chuan mipuite hnenah thuchah sawiin Mizo Hnam leh ram chu a damloh thu leh kan \halai te pawh dam lovin kan sakhua pawh a himlo tih a sawi a, hei vang hian Zoram damna tur leh chhanchhuahna turin Aug. 26, 2013 a\anga Sept. 4, 2013 thlengin ZNP chuan Zoram Saltlang chhanchhuahna kawngzawh hi an buatsaih tih a sawi a, Mizoram chu kan ta a ni lo tih sawiin, Lalpa ta a nih thu leh kum 500 vel zet kan awm tawh chhung in Pathian in a duh anga awm tura min duh thu a sawi a. Mizo ten Mizoram kan luah chhung hian kan intodelh ngailoh thu leh amaherawh chu kan ram hruaitu tur kan thlan hnu kum 40 chhung erawh chuan kan intodelh ta lo tih sawiin, kan thlan Lal te chu lian tual tual mah se a thlangtu mipuite chu kan rethei in kan cher tial tial thung tih a sawi a, hei hi Party Feeling-a kala kan ruihchilh avang a nih thu sawiin, kan hruaitu tura kan thlan te hian mipuite rawng bawl leh hruai tura hna an thawh loh vang a nih thu a sawi bawk.
ZNP-a NCM Pu Ralliana kaihhruai he hunah hian Pu K. Liantlinga chuan ZNP chuan sem Policy an kalpui dawnlo tih sawiin, kan \halai te hian thawhchhuah neiin hei hian anmahni leh an chhungte chawm thei se, chu chuan kan ram damna a thlen dawn niin a sawi a, ‘kuthnathawktute tharchhuah leina tur Budget-a dah theih a nilo’ tia sawitute chuan a dah thei tih an hre chiang tawh nia sawiin, ZNP chuan kuthna-thawktute tharchhuah leina tur hian budget ah sum an dah ngei dawn tih a sawi nawn leh a, MNF leh MPCC President te chu tum leh vision mumal neilo ah puhin, ram kaihruai tur chuan vision mumal tak neih a \ul thu a sawi a, hemi tur hian Zoram mipute chu an harh \an mek nia an hriat thu leh Zoram mipui zaa 60 vel, party awn lam neilo te hian Zoram an siam\ha thei niin a sawi bawk. ZNP kawngzawh haw lam te hi nizan khan Chhiahtlang-ah riakin Vawiin hian Aizawl an lut dawn a, an vai hian mi 37 niin an zingah hian AMC-a Executive Councillor, Pi B. Hmingthanzami leh Councillor, Pu W. Chhuanvawra, Pu Lalrimawia leh Nl. Lalchhuanmawii te pawh an tel a ni.

Comments

Popular News (Last 30 Days)