YMA Branch Hnam Lam-a intihsiakna zawhfel a ni.

Mizoram sorkar Art & Culture Department leh Central YMA \angkawp buatsaih Chief Minister’s Running Trophy in YMA Cultural Dance Competition vawi 11-na chu 6th Sept. 2013 khan Hawla Indoor Stadium, Republic Vengthlang-ah kharna leh lawmman semna hun hman a ni.
He hun hi Art & Culture Minister, Pu PC. Zoram Sangliana chuan hmanpuiin Hnam lam intihsiak buatsaihin a tum ber chu Mizo nunphung leh nun zemawi chawi nung zel chunga Mizo hnam lam mawi leh hlu takte a taka hmuh tir leh thiam tir a ni, a ti. Niminpiah a\anga neih Chief Minister’s Running Trophy in YMA Cultural Dance Competition vawi 11-na ah hian YMA Branch 42 an tel a, Khuallam, Chai leh Cheraw-a inel a ni a, Ramthar North Branch YMA chu a pumpuiah pakhatna niin Rs. 50,000/-leh Trophy an dawng a, pahnihna Chanmari West Branch YMA chuan Rs. 30,000/- leh trophy an dawng. Khuallam bikah Chanmari West chu pakhatna niin Chai leh Cheraw-ah Ramthar North Branch YMA chu pakhatna an ni. He intihsiaka tel zawng zawng hnenah participation prize Rs. 10,000/- \heuh leh a ti\hazual pathumna atanga sawmna te hnenah Rs. 15,000/- \heuh hlan an ni a. Intihsiaka member tel tam ber Chanmari West Branch YMA hnenah Rs. 5000/- leh certificate hlan niin Aizawl khawpawn atanga tel Branch pasarihte hnenah Rs. 3000/- \heuh pek an ni bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai