Thla 9 chhungin Overdose vangin mi 19 boral

Mizoram-ah thla 9 chhungin damdawi overdose 202 awmin heng zinga 19 te chuan chhan hman lohin nunna an chan a ni.
Nimin khan I& PR Conference Hall-a Mizoram Health Department leh UNODC tangkawp chuan damdawi hmansual chungchang inhril hriatnate, a ven dan leh a enkawl zui chung chang ah Medical Officer-te tan training neih a ni. Report a tarlan anih danin Ruihhlo hmang sual, a bikin inchiu thinte hi midangte aiin a let 13 zetin an boral hma a. Kum tin inchiu avang hian mi 70,000 atanga 100,000 inkar thi ziah ang an ni. Kum 2010 chhung khan ruihhlo avangin khawvel pumah mi 99,000 - 253,000 vel an thi a, Mizoramah pawh thla 9 chhungin overdose 202 awmin heng zinga 19 te chuan nunna an chan a ni. Opioid overdose hi dan theih a ni a, an nunna chhan theih a ni bawk. Damdawi ruihtheihloh leh him, Naloxone hmangin overdose te nunna chhan theih a ni a. Naloxone hi WHO Model List of Essential Medicines-ah a telh niin damdawi in zawng zawng chuan kawl vek tura beisei an ni. Inchiu thin IDU (Injecting Drug Users) te hian HIV hrik an lo pai a nih phei chuan a pai velote aiin an overdose awlsam bik hle. He training hi Health Secretary Esther Lalruatikimi’n a hawng a. UNODC atanga lokal mithiam Dr Suresh Ku mar, International Expert in Drugs and HIV/AIDS chuan training a neihpui a ni. Hospital and Medical Education Director Dr Lalrinliana Sailo leh Health Services Director Dr K Ropari ten thuhma an sawi a ni. July 16-a UNO DC leh Health Department tang kawpin ‘Conference on emerging trends & problems in the field of Drug Abuse & HIV/AIDS in Mizoram’ an lo buatsaih tawh bawhzui a training hi buatsaih niin Overdose Management Mizo tawng a ziak, poster engemaw zat Aizawl leh Dist. dang Hospital 8 ah tar a ni tawh.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni