Serchhip Tourist Lodge thar thawh mek

Serchhip Khawtetlang-a Tourist Lodge building sak hna hun rei tak chawlhsan tawh chu tunlai hian a sak \hat hna thawh mek a nih bakah In dang pathum (3) pawh sak mek a ni bawk.

Sorkar hmasa hunlai a\anga lo sak tawh Serchhip-a Tourist Lodge hi hun rei tak a sak hna hi chawlhsan a nih tawh hnuah kumin kumtir lam khan Chief Minister Pu Lal Thanhawla leh Serchhip khawtlang hruaitute chuan tlawhin sak \hat dan tur leh chhunzawm a nih theih dan tur an en ho a, hemi hnu hian mithiam ten a building hlui awmsa hi enfiahin, Cement plaster tihloh chu ala \ha tih an sawi avangin a plaster-na hi tichhiain tunah hian siam \hat mek a ni a, a chung far nasa lutuk pawh a slab hi chhun \hat a ni dawn bawk a, he hna hi Pu Rinsanga, Republic Aizawl chuan thawkin cheng nuai 52 ruahman a ni a, August thla a\ang khan thawh \an niin kumkhat chhunga zawhfel tura tih a ni. Anni hian a building zawhfel thlengin hna hi an kutah a awm dawn a ni. Hetihlai hian Tourist Lodge building sak mek kawt-ah hian Quarters/Cottage tur 3 sak mek a ni bawk a, heng Quarter sakna atan hian pakhat zelah cheng nuai 26 rua-hman niin heng building sak hna hi Pu Lalrawna, Chhiah-tlang, Pu R. Thanchuanga, Serchhip leh Pu Mahuma, Aizawl ten an thawk nia thu dawn a ni bawk a, heng hna te pawh hi hun reilote ah zawhfel theih an beisei bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni