Serchhip News chilhkhawm :

Lungawilohna lantir tum
@@ Mizoram sorkar in sorkar hna-thawk te hlawh a siam-a lungawi lo, Pay Anomaly Redressal Demand Committee (PARDC) chuan Vawiin a\anga tunkar chhung zawng hian Office kai si a hnathawk lova lung-awilohna lantir an tum a, Serchhip District-a PARDC Member zawng zawngte pawhin he nawrhna hi an thlawp dawn tih an hruaitute chuan sawiin, harsatna thleng a awm a nih pawhin mipuite chu lo hrethiam turin an ngen tih an sawi bawk.

Petrol leh Diesel man thar
@@ Rampuma Petrol leh Diesel man tihsan a nih rualin Mizoram-ah pawh Petrol leh Diesel man hi bithliah tharin hman nghal a ni a, he rate thar ang hian Serchhip-ah chuan Petrol litre khat man chu Rs. 72.93/- a ni twh anga, Diesel man pawh litre khat zelah Rs. 51.28/- a ni tawh bawk ang.

JE 3 te SDO-ah kaisang
@@ PHE Department hnuaia Junior Engineer (JE) pathum te chu SDO ah an kaisang a, an zingah hian Serchhip WATSAN Division ami Pu Lalrosiama pawh telin Serchhip WATSAN Division-ah SDO (TC) in a awm nghal ang.

Vengchhung thianfai
@@ Serchhip-a Welfare Committee pakhat, AOC Welfare Committee (AWC) chuan an Pawl din champha vawi 35-na nimin (Sept. 1) pualin Inrinni khan vengchhung thianfaiin hnatlang an nei.

Ramthar Ni hmang
@@ Inrinni kalta Aug. 31 kha Mizoram-a Presbyterian Kohhran rawn dintu Rev. David Evan Jones (Zosaphluia) Mizorama rawngbawl tura a lo thlen ni 'Ramthar Ni' a ni a, he Ni thupui atan ‘Kawlkil thlenga Chanchin\ha hril’  tih hmangin Serchhip Vengchung Kohhran te chuan awmni khamin hun an hmang a ni.

Popular News

Mizoram-ah Faina Hapta hman \an leh a ni

Retailer bukna diklo 3 man