Serchhip ICDS Project hnuaia chhungkaw 8 te NFBS hnuaiah \anpuina hlan an ni.

Sorkar laipui in BPL chhungkua a chhungkaw eizawngtu  ber boralte \anpuina atana ruahmanna a siam, National Family Benefits Scheme (NFBS) chu nimin (20th Sept. 2013) khan Serchhip ICDS Project hnuaia mite hnenah semchhuah a ni.

    NFBS \anpuina sem inkhawm CDPO, Serchhip ICDS Project Office-ah neih ah hian Addl. DC, Pu Lalsangliana chuan BPL chhungkua te khaichhuak turin sorkarin nasa taka hma a lak thu sawiin, \anpuina dawngtu te chu BPL a\anga talchhuak thei tura an sum dawn te \angkai taka hmang turin a fuih a, sorkar \anpuina awm hrang hrang te sawi langin semchhuah leh dawn kawngah dik taka kalpui a pawimawh takzet thu a sawi a, dawng âwm lo ten an dawn \hin avangin dawng âwm tam takin an dawn loh phah theih thu sawiin, hnathawktuten dik tak a kalpui a \ul thu a sawi bawk. Serchhip ICDS Project-a CDPO, Pi B. Lalhmangaihi kaihruai he hunah hian Serchhip ICDS Project huamchhunga BPL chhungkua a eizawngtu ber boral, chhungkaw 8 thlanchhuah te hnenah Pu Lalsangliana hian \anpuina sum, Rs. 20,000/- \heuh chu a hlan nghal bawk a ni.
    He hunah hian Pu Lalbiakliana, Circle Office, ICDS Serchhip Project chuan National Family Benefits Scheme (NFBS) chungchang sawiin he ruahmanna kalpui dan leh dawngtu tur thlan a nih dan te leh Serchhip-a lo kalpui tawh dan te a sawi a ni. Tun \uma chhung-kaw harsa zual, Chhungkaw chawmtu ber boral te \anpuina, National Family Benefits Scheme (NFBS) dawng tur hian Serchhip District-ah chhungkaw 14 thlanchhuah an ni a, Serchhip ICDS Project hnuaiah chhungkaw 8 leh East Lungdar ICDS Project hnuaiah chhungkaw 4 te an ni. Nimin a Serchhip ICDS Project hnuaia chhungkaw 8 te hnena NFBS \anpuina semchhuah zawng zawng hi Rs. 1,60,000/- a ni.

Popular News

Mizoram-ah Faina Hapta hman \an leh a ni

Retailer bukna diklo 3 man