Serchhip District Local Administration Officer Office kum 10 tlin lawmna neih a ni.

Serchhip District Local Administration Officer (DLAO) Office in kum 10 a tlin lawmna chu nimin khan neih a ni a, Pu H. Lalchhuan-awma, Deputy Director, LAD chuan a rawn hmanpui a ni.

    Serchhip-a District Local Administration Officer (DLAO) Office in kum 10 a tlin lawmna Serchhip District Park-a neih ah hian Pu H. Lalchhuanawma chuan Serchhip-a DLAO Office in kum 10 a tling ta chu lawmawm a tih thu sawiin, a tirah building pawh nei lova mimal In luaha bul \anin khawtlang mipuite \hahnem ngaihna leh \awiawmna avangin tun dinhmun hi an thleng thei tih a sawi a, he Office hawn tirh a\anga \hahnem ngai taka \awiawmtu khawtlang mipuite leh a tir a\anga he Office-a Vawiin thlenga thawk te chungah lawmthu sawiin duhsakna a hlan nghal bawk. Pu ST. Lalhmingmawia, DLAO kaihhruai he hunah hian he Office-a thawk tawh boral ta mi 6 te sunna hun hman a ni a, Serchhip leh a chhehvel-a VCP te leh khawtlang mi pawimawh te a\angin thusawi ngaihthlak a ni bawk a ni.
    Serchhip District Local Administration Officer (DLAO) Office hi 9th Sept. 2003 khan khatihlaia LAD Minister, Pu H. Vanlalauva chuan a hawng a, a tirah mimal In man chawia luahin hun engemaw chen mi In an luah hnuah 19th Aug. 2009 khan anmahni puala building neiin Serchhip IOC Veng-ah an insawn a, DLAO enkawlna hnuaiah thawktu Regular mi 14 leh MR/Contract mi 24 an awm mek a ni. LAD a\anga UD&PA \hen hran a nih hnu khan DLAO chu UD&PA hnuaiah Sanitation Officer leh Project Officer, IHSDP/JNNURM hna chelh tir a ni bawk a ni. LAD hian 25.9.2003 a\ang khan Serchhip khawpuia bawlhhlawh khawnkhawm in a paih hna an thawk a, tunah hian Serchhip a\anga chhim lam KM 9, Haipui ramah Bawlhhlawh paihna hmun neiin hmar lamah pawh ruahman mek a ni a, tunah hian Dawng-zawl ramah District Park siam hna pawh chak taka kalpui mek a ni bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man