Serchhip District chhunga Police Officer te tan inthlanna-a Police mawhphurhna zirhona neih a ni.


Nimin (3rd Sept. 2013) khan Serchhip District SP Office Training Hall-ah Serchhip District chhunga Police Officer, Inspector leh a chung lam chin tan inthlan leh a kaihhnawiha Police te tih tur leh mawhphurhna te zir hovin training neih a ni.

    He training Serchhip District SP Office Training Hall-a neih hi District Bawrhsap leh District Election Officer ni bawk, Pi Juhi Mukherjee, IAS chuan hmanpuiin inthlanna thianghlim leh fel fai nei thei tur chuan dan leh thupek kengkawhtu Police-te an pawimawh em em tih a sawi a, Police ten dan leh thupek \ha taka an kenkawh chuan mipuite pawhin ngaihngam tak leh ralmuang takin Vote an thlak theih \hin thu sawiin, Police te chu thil diklo leh \halo thleng palh theia vengtu an nih mai bakah harsatna a lo thlen palh pawha mipuite harsatna sutkian saktu leh sorkar kut leh ke ber te an nih thu a sawi a, hei vang hian inthlanna dik leh felfai a awm theihna tur te, Police \ha leh chak kan neih theihna turte in Police Officer te chuan kawng hrang hrangah training \ha tak an neih chu a pawimawh thu sawiin, mahni hna \heuh \ha taka hlenchhuak turin training \ha tak neih chu a pawimawh hle tih a sawi bawk.
    Serchhip District SP, Pu Romil Baaniya IPS kaihhruai he hunah hian Serchhip District Addl. DC leh Serchhip District Election Nodal Officer ni bawk, Pu Lalsangliana pawhin thu sawiin Serchhip District-in District Election Management Plan (DEMP) a siam chu District dangte entawn tur (model plan) atan CEO lamin an pawm thu a sawi a, Plan \ha tak siam chu hlu hle mah se a tawpna tur ni lovin he Plan tih hlawhtlinna tura mahni mawhphurhna \heuh hlen tum turin Election buaipuitu zawng zawngte chu a sawm nghal bawk. He training ah hian Serchhip District SP, Pu Romil Baaniya IPS leh Addl. SP, Pu Lalbiaktluanga MPS ten Police Officer te hi zirtirna an pe a ni.

Popular News

Mizoram-ah Faina Hapta hman \an leh a ni

Retailer bukna diklo 3 man