Serchhip District chhunga NRLM kalpui dan tur chungchang sawihona neih a ni.

Mizoram State Rural Livelihoods Mission (MzSRLM) Chief Executive Officer, Pu Nghaklianmawia chuan Serchhip District-a National Rural Livelihoods Mission (NRLM) kalpui dan tur chungchangah nimin khan Serchhip a rawn tlawh.

    Mizoram State Rural Livelihoods Mission (MzSRLM) Chief Executive Officer, Pu Nghaklianmawia hian NRLM chungchangah hian nimin khan Serchhip-a NRLM Staff te leh Rural Department-a thawk te chu Serchhip BDO Office-ah kawmin India ramah mirethei, BPL kan tih chu tam tak an awm thu sawiin, heng mirethei te khaichhuah an nih theih nan hian sorkar laipui chuan ruahmanna chi hrang hrang siamin, heng ruahmanna te hi duh ang hlawhtling a nih theih loh avangin tunah hian NRLM chu a ruahman leh tih a sawi a, he ruahmanna hi Mizoram-ah chuan Serchhip leh Kolasib District-ah kalpui tur a nih thu sawiin, India rama mipui Tld. 1.2 zinga a zatve vel hi hmeichhia an nih avangin heng hmeichhia te tih hmasawn hi he ruahmanna in a tum ber a nih thu a sawi a. Hemi atan hian hmeichhia, a theih chuan chhungkua a Nu ber te chu Self Help Group (SHG) ah insiamin heng mite hian eizawnna an neih theihna turin Bank loan nen \an lak a nih dawn thu a sawi a ni.
    Serchhip BDO, Pu Robert C. Lalhmangaiha kaihhruai he hunah hian Pu Nghaklian-mawia chuan RBI in hriattirna a tihchhuah danin SHG te hi thla 6 an din chuan dahkham ngai lova Bank Loan pek tur a nih thu leh an rulh \hat chuan an rulh zawh hma pawhin Loan dang pek leh theih an nih thu a sawi a, heng loan lak a punna zaa 7 aia sang chu sorkar in a rulh sak tur a nih thu leh zaa 6 chauh pung te pawh heng SHG te tan hian ruahman a nih thu a sawi a, heng SHG te buaipui tur leh \anpui tur hian NRLM chu din a nih thu a sawi bawk. Serchhip District-ah hian he ruahmanna hnuaiah hian Staff 7 an awm mek a, tunah hian Thenzawl khua a SHG te zirchianna nei mekin a \ul angin SHG te hi din thar leh an ni bawk a ni. He hunah hian he ruahmanna tih hlawhtlin a nih theih nana hmalak dan tur hrang hrangte pawh an sawiho bawk. Hemi hma niminpiah khan Pu Nghaklian-mawia hian Serchhip District-a East Lungdar RD Block chu tlawhin hmalak dan tur a sawipui tawh bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai