Serchhip-ah Teachers’ Day urhsun taka hman a ni.

Zirtirtute ni (Teachers’ Day) vawi 52-na (Sept ni 5, 2013) chu nimin chawhnu dar 2:00 khan DC’s Conference Hall Serchhip-ah urhsun taka hman a ni.
Serchhip-a Teachers’ Day puala inkhawm neih hi District Bawrhsap, Pi Juhi Mukherjee chuan khuallian nia hmanpuiin zirtirtute chu zirlai, engmah hriat la nei lo te nunkawng leh thiamna zirtirtu an ni a. A bikin sorkar school ami te phei chu chhungkaw khawsak harsa tak tak te an nih avangin zirtirtute kaihhruaina \ha an mamawh zual a ni, a ti a. Zirtirtu chuan zirlaibu a mi mai bakah mihring nunkawng hrang hranga nun dan \ha leh nunkawng dika naupang te hruai chu an mawh phurhna a ni a, zirtirtu \ha Lal Isua Krista zuitu zirtirtu chuan zirlaite hmangaihna leh lainatna nena zirtir a tum tur a ni tiin, he ni a lo thlen hian zirtirtute chu an hun kal zel turah duhsakna a hlan a ni.
Serchhipa zirtirtute ni hmanna hi District Education Officer Pu C.Zolawma’n a kaihruai a, Elementary School aiawhin Pu V. Tlang\huama, President Middle School Teachers Association Sub-Hqrs. President pawhin thu sawiin zirtirtu zahawmna vawng nung chuan nun zahawm neih a ngai a ni, a ti a, zirtirtu indaihlohna nasa tak awm mek chu pension-a chhuak te leh zirtirtu thi tawh te hmun ruak hnawhkhah loh vang a ni, a ti. Higher Secondary School aiawhin Pu Lalzuiliana, Headmaster JM H/S, President Serchhip Teachers Association pawhin thu sawiin \ha zawka hna thawk tura zirtirtute inhlan thar turin a chah. He hunah hian SSA Girls hostel zirlai te leh Little Flower convent school naupang ten special item an entir bakah solo ngaihthlak a ni a, Govt Serchhip College Principal Pu Lalhmangaiha Chawngthu pawhin thu a sawi bawk. Serchhip-a Zirtirtute Ni puala inkhawm neih a nih hma hian zirna In hrang hrangte chuan anmahni School \heuh ah mahni remchan dan angin hun an hmang hmasa a ni.

Popular News

Mizoram-ah Faina Hapta hman \an leh a ni

Retailer bukna diklo 3 man