Serchhip-ah Farmers’ Training neih a ni


Serchhip-a Horticulture Department in Centre of Excellence a kalpui hnuaia kuthnathawktute tan nimin khan Serchhip District Horticulture Office Training Hall, Serchhip Chanmari Veng-ah thlai chin dan chungchang zirhona neih a ni.
He hun hi DHO Pu Lalhmangaiha chuan kaihruaiin loneitute chu \anpuina an dawnte a \angkai thei ang bera hmang turin a chah a, he scheme hi kum khat atana tih a nih avangin tunah chuan a hnu kharna lam a ni tawh tih sawiin, \anpuina dawn tur pawh an sem zo thaw-khat tawh tih a sawi a, \anpuina an dawn tawhte a\anga an dinhmun \heuhte siam \hat tum tura chahin, mimal tinte hlawhtlinna chu hmuhpui ve ngei tumin department chuan beiseina nen a lo thlir reng dawn a ni, a ti bawk. Horticulture Department in Serchhip Lengte leh Lunglei rama Centre of Excellence a kalpui-ah hian kuthnathawktu mi 60 te khung an ni a, heng mi 60 te hi Horticulture Mission for North East and Himalayan Region (HMNEH) 2012-2013 hnuaiah \anpuina pekchhuah tawh niin tunah hian hnathawh tur tam ber chu zawhfel tawh a ni bawk. He training-ah hian Horticulture Extension Officer Pu R. Lalmuanpuia chuan zirtirna a pe a, loneitu kalkhawmte hnenah hian thlai chi; French Bean leh French Mustard bakah Sign Board leh pawisa fai Rs. 2100/- \heuh an sem bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai