Naktuk zing dar 5:00 a\angin Total Bandh neih tum. Serchhip-ah pawh kenkawh tura ruahman a ni.

Mizoram-a eptu party lian ber, MNF Party chuan naktuk zing dar 5:00 a\ang khian Mizoram pumah Total Bandh huaihawt an tum a, hemi ang hian Serchhip-ah pawh Total bandh hi neih tura ruahman a ni.

    Mizoram-a eptu Party lian ber, MNF chuan ‘Mizoram chhanchuahna Total Bandh’ huaihawt an tum chungchangah Inrinni khan Aizawl Press Club-ah chanchinthar thehdarhtute an kawm a, Total Bandh avang hian harsatna hrang hrang awm thei mahse pumpelh theih a ni lo tih an sawi a ni. He Bandh huihawt an tum na chhan ah ruihhlo (drugs)-a sumdawnna-ah Health Minister Pu Lalrinliana Sailo a inhnamhnawih ngeia an hriat avang leh a Department enkawlah thil fel lo tam tak a awm a an hriat avang te, Congress Sorkar inthlahdah avanga sum lai pai leh nitin mamawh hrang hrang harsatna mipuiin an tawrh mek avang te, nitin mamawh chawkluh leh kalpawhna kawng chhe lutuk te, sakhua tibawrhbanga sakhaw dang betuten an hmuh hniam theih tur zawnga phaia zin \hin Pastor te’n chal an hnawih sen deuh veka a rin tlat thu Chief Minister Pu Lal Thanhawla'n a sawi avang te leh Sorkar inthlahdah avanga harsatna hrang hrang Mizoramin a tawrh mek duh loh lantir nan he chhanchhuahna Total Bandh hi tihmakmawh-ah an ngai tih an sawi a ni. MNF General Headquarters hruaitute chuan Drugs sumdawnnaa inhnamhnawih Pu Lalrinliana Sailo chu a ban hma chuan Zoram hmangaiin nawr chhunzawm zel an tum thu an sawi bawk.
    Hetihlai hian Serchhip Block East MNF te pawhin Inrinni khan Pu C. Lalhriatrenga In, Serchhip Bazar Veng-ah Committee neiin he Total Bandh neih tur hi Serchhip-ah pawh kenkawh nise an ti a, he \hutkhawm an President, Pu C. Darbiakthanga kaihhruai a neih hian Total Bandh-a duty-na turin Sailiamkawn, Bazar, Chanmari Vengthar, AOC, P&E Veng, IOC, Kudam kawn, College peng leh Kikawn te ruatin he Total Bandh neih hi mipui ten thlawp \heuh se an duh thu leh dawrkai, sum-dawng, Sorkar pisa kai \hinte leh mipuite pawhin zah sak se an duh thu an sawi a, he Bandh hi hlawhtling taka kenkawh a nih theihna turin leh Pisa kai turte pawh dan kher ngailo turin Vawiin lam hian sorkar pisa hrang hranga thuneitute chu ngen an tum bawk a ni.