MNF Party huaihawtin Mizoram hmundang rualin ‘Mizoram Chhanchhuahna Total Bandh’ neih a ni.

MNF Party huaihawtin nimin khan Mizoram hmun hrang hrangah ‘Mizoram Chhanchhuahna Total Bandh’ neih a ni a, mipui ten \ha taka an thlawp hnuah chawhnu dar 2:00 khan tihtawp a ni.

    He Total Bandh hi Aizawl khawpui bakah District hrang hrangah neih niin Serchhip ah pawh Serchhip East Block MNF te huaihawtin zing dar 5:00 a\angin neih a ni a, MNF Party hian hmun hrang hrangah duty-na hmun bik siamin heng hmunah te hian Party mi leh sa \hahnem tak an duty a, sorkar lam pawhin Magistrate 4 te bial hrang hrangah \henin hmun hrang hrangah thil awmdan enfiah reng a ni bawk a, mipui ten he Total Bandh hi an thlawp \ha in sorkar Pisa leh zirna In te khar vek a ni a, sumdawnna hmun hrang hrangte khar a nih bakah khawlaia lirthei tlan vel pawh hmuh tur a awm meuhlo a, khawi hmunah mah thil duh-awmlo a thlen thu hriat a ni lova, mitthi In-a kal tura khawlaia chhuak bak mipui vakvel pawh hmuh tur an awm meuh lo a ni. Hetianga mipui ten \ha taka an thlawp avang hian Total Bandh hi tlai dar 5:00 thlenga neih tura ruahman ni mah se Mizoram hmundangte rualin chawhnu dar 2:00 khan tihtawp a ni zui ta a ni.
    He Total Bandh tihtawp a nih dawn hian Serchhip Bazar-ah inkhawm tawite neih niin he hunah hian Serchhip East Block MNF President, Pu C. Darbiakthanga chuan MNF Party in “Mizoram Chhanchhuahna Total Bandh” an huaihawt chhan hrang hrangte sawiin, hetianga Total Bandh an huai-hawt ah mipuite thlawpna \ha tak an hmuh avangin mipuite hnenah lawmthu a sawi bawk. He Total Bandh hi Mizo-ram hmun hrang hrangah pawh neih niin khawi hmun a\ang mah thil duhawmlo a thlen hriat a ni lova, hetianga mipui ten Total Bandh \ha taka an thlawp chu MNF chuan lawm-awm an tihthu an sawi bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai