Latest News

MNF Gen. Hqrs. President Pu Zoramthanga hovin MNF East Block Serchhip Conference neih a ni.

MNF East Block Serchhip chuan Inrinni kalta, Sept. 21, 2013 khan Block Conference neiin an Party zawm thar mi 208 an lawmlut a, he hun hi an Party President, Pu Zoramthanga chuan a rawn hmanpui a ni.

    New Serchhip YMA Hall-a MNF East Block Serchhip in Block Conference an buatsaih ah hian Chief Minister hlui leh MNF Party President ni bawk, Pu Zoramthanga chuan Mizote chu khawchhak lam mel sang tam tak a\angin Pathian zawnchhuah ramah kan cheng tih sawiin, Mizoram in rambuai kan tawrh leh remna kan neih chhoh dan te chu tute emaw duh dan leh remruat ni lovin Pathian remruat leh Mizo Hnam \hatna tura min hruaina a nih thu a sawi a. NLUP chungchang sawiin tuna mipui hnena sum an sem chu leiba an rulhna a nih thu a sawi a, NLUP sem an intiam avangin mipui ten an thlantlin thu leh tunah chuan anmahni in an tih tur an ti ve lem luam chauh a nih thu a sawi a, NLUP dawngtu zingah a hmang dik zaa 5 pawh an awm a rin loh thu leh a hmang diklo te chu tan tir te an tum avangin Congress an sorkar leh a nih chuan Jail tan hmabak an tam ngawta a rin thu a sawi a, amaherawh chu Congress sorkar lova MNF an sorkar dawn avangin chhanchhuaha thu an puan dawn thu a sawi a. Serchhip bial mipuite chuan an aiawh tura an thlan \hin MLA chu an hriatchian avangin an thlak a hun tawh nia a hriat thu a sawi bawk a ni.
    Serchhip East Block MNF President, Pu C. Darbiakthanga kaihhruai he hunah hian Pu Zoramthanga chuan an party zawm thar Serchhip Veng hrang hrang a\angin mi 208 a lawmlut bawk a ni. He hunah hian MNF Gen. Hqrs.-a Adviser, Pu C. Lalramzauva pawhin NLUP chu inbumna lian tak a nih thu sawiin, ram hmasawnna hi inbumna a\anga \an chi a nih loh thu a sawi a, kum 2008 MLA inthlana NLUP hmanga min bumtute hi kum 2013 inthlanpui ah chuan  mipui ten an bum ve tawh dawn nia a lan thu a sawi bawk. He hunah hian MNYF Gen. Hqrs. President, Pu PC. Laltlansanga leh AMC-a Councillor leh MNF Gen. Hqrs. a NEM ni bawk, Pi Lalmalsawmi te pawhin thu an sawi bawk a, party mipui \hahnem tak an tel a ni.

Comments

Popular News (Last 30 Days)