Mizoram-a New Land Use Project entawnin Integrated socio-economic programme kalpui tum.

Mizoram sorkar New Land Use Project entawnin Arunachal Pradesh chuan Integrated socio-economic programme kalpui a tum a, hemi chungchangah hian State Land Use Board Director, Pu Joram Puppa chuan Mizoram a rawn tlawh mek bawk a ni.

    Mizoram sorkar New Land Use Project entawna Integrated socio-economic programme kalpui a tum chungchangah hian Arunachal Chief Minister, Pu Nabam Tuki chuan State Land Use Board Director, Pu Joram Puppa chu Mizoram-a NLUP kalpui dan zirchiang tura rawn tirin nimin khan NLUP Implementing Board Chairman Pu R.Sel\huama leh Marketing Cell hotute hmuin NIB Conference Hall-ah line department te nen NLUP chungchanga inkawm hona an nei a, he hunah hian Arunachal Pradesh chuan Mizoram sorkar-in NLUP a kalpui mek dan an lo thlirin entawn tlak an tih thu leh NLUP chu an ram mamawh mil hmasawnna prog-ramme nia an hriat thu leh hetiang project kalpui ve tur hian Planning Commission leh central sorkar thuneitu dangte pawh an lo dawr mek tawh a ni tih Pu Joram-a chuan a sawi a ni.
    NLUP chungchanga Arunachal Pradesh in Mizoram sorkar \anpuina a rawn ngen chungchang ah hian Mizoram sorkar pawh a inhawng hle a. Chief Minister in NIB hotute chu a theih anga hma lo lakpui tura a tih angin NIB hotute chuan project buatsaihna chungchanga thil kalpui dan leh hriat tur pawimawh dang te chu Pu Joram hi an hrilhfiah a. Line department hrang hrang ten project kalpuina kawnga zawhna a neih te chu an hrilhfiah bawk a. NIB hotute chuan Pu Joram hnenah hian Arunachal state pui turin englai pawhin an inpeih tih hrilhin a \ul angin hma an lakpui zel dawn thu leh hlawhtling taka NLUP project ang hi a kalpui theihna turin duhsakna an hlan bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai