Mizoram College of Nursing Building leh Health Worker Training Institute Girls Hostel te hawn a ni.

Health Minister Pu Lalrinliana Sailo chuan Rs. 4,94,13,335/- senga sak Mizoram College of Nursing Building leh Rs.1,49,96,899 /- senga sak Health Worker Training Institute Girls Hostel te chu nimin khan a hawng.

    Mizoram College of Nursing Building, Falkawn-a hawnna ah hian Health Minister chuan department a thawkte leh engineer te thawhona \ha avanga building tha tak hawn theih a ni ta chu lawmawm a tih thu leh Health Department in hmasawnna duhawm tak tak a nei chu lawmawm a tih thu sawiin, he college sak a nih theihna tura Falkawn khaw mite in hawnna chu fakawm a tih thu a sawi a, kan sum hmuh ang ang te lapse lo tura Planning lamah \an lak thar a ngai a ni, a ti bawk. Hei bakah hian Health Minister chuan hriselna hi mitin chanvo a nih avangin mitin thlengpha thei turin sorkarin hma a la a, ram economy a \hat chhoh zel chuan Health Worker tam zawk lak tum a nih thu a sawi bawk.
    Mizoram College of Nursing (MCON) hi kum 1980 a din a ni a, a tirah School of Nursing tih niin General Nursing & Midwifery-ah (GNM) Training pek a ni a, hmunhma \ha neih a nih loh vangin Indian Nursing Council chuan de-recognized a lo tum tawh a, amaherawh chu kum 2005 October,11 ah khan College of Nursing a hlankai a ni a, GNM mai bakah B.Sc.(Nursing) training programme a nei tel bawk a, tunah hian University affiliation neiin Global Funding hnuaiah AIDS veite enkawlna Centre a ni bawk. Nimin veka hawn Health Worker Training Institute Girls Hostel hi Kulikawn-a awm niin mi 60 awm theihna tur a ni a, civil work - Rs.1,32,65,940/- leh electrification - Rs.17,30,959/- senga sak a ni.