JC Security Guard Passing Out-Parade neih a ni.

Parliamentary Secretary, Pu Lal Thanzara chuan niminpiah (6th Sept.) khan JC Security Guard 15th Batch Passing Out-Parade chu Aizawl Electric Veng YMA Hall-ah hmanpuiin, training chhuak te Certificate a hlan a ni.
He hunah hian Pu Lal Thanzara chuan khawvel changkang zelin a mamawh venhimna, hmathlir thui tak leh \ha tak nei a JC Security Guard & Labour Supply Agency din a ni chu lawmawm a tih thu sawiin, a dintu chhungkua te chu fakawm a tih thu a sawi a, Mizo \halai ten hna hmuhna \ha an neih theih phah mai bakah midang tana malsawmna an ni theih phah a ni, tiin Training chhuak te chu an hna in a ken tel tlat rinawmna leh huaisenna vawng nung reng tur leh zuk leh hmuam leh ruihtheih thil laka fihlim tlat turin a chah bawk. JC Security Guard Training chhuak te hi an vaiin mi 61 niin, hmeichhia 10 an tel a ni. JC Security Guard & Labour Supply Agency hi Pu JC Chana (L) hriatrengna atana a nupui Pi Laldingliani leh a fate din a ni a, Home Department phalna a din niin In leh lo, sumdawnna, Damdawi In, Zirna In, Hotel, Industry, Bank, ATM, Mimal leh thildang dangah venhimna hna thawk tura hawh leh hman theih an ni. He Passing out Parade hmanna hunah hian Pu L.R. Dingliana Sailo, Aizawl SP chu khualzahawm a ni a, Pu Vanlalsawma, President, Executive Protection Squad chuan he hun hi a hmanpui bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai