Govt. Chhiahtlang H/S RMSA Strengthening Building hawn a ni.

Mizoram KVI Board Chairman leh Tuikum bialtu MLA ni bawk, Pu K. Lianzuala chuan niminpiah khan cheng nuai 32 chuang senga sak Govt. Chhiahtlang High School RMSA Strengthening Building chu a hawng.
Niminpiah a RMSA Building thar hawnna inkhawmah hian Pu K. Lianzuala chuan hun rei tak atanga an nghahhlelh tawh tihpuitlina a awm ta chu a lawmawm takzet tih sawiin, Govt. Chhiahtlang High School in HSLC exam result ropui tak tak a nei \hin chu zirtirtu mahni hna a tui leh lungawi, \hahnemngai tak tak te vang leh zirlai naupang, nu leh pa te leh khawtlang \anrualna vang a nih thu a sawi a, zirlaite chu academic result \ha ringawt duh tawk lova chhawr tlak thiamna paw chhuak tura inbuatsaih tur leh rilru siam turin a chah a ni. Zirna lamah Tuikum Bialin hma a sawn dan tarlangin RMSA hnuaiah ringawt pawh tun hnaiah School building panga – Chhingchhip, Baktawng, Tlungvel, Thinglian leh Chhiahtlang ah hawn a ni ta a; Lungpho leh Khumtungah pawh hawn theih tep a ni tawh a, hei bakah hian Sialhau leh Khawbelah pawh RMSA building hi sak tura engkim peihfel anih tawh thu leh hna tan thuai anih tur thu a sawi bawk a ni.
    Chhiahtlang khawchhung hmasawnna tur pawhin hma nasa taka lak anih thu sawiin Pu K. Lianzuala chuan September ni 22, 2013 a\ang khan Chhiahtlang khawchhungah Police Beat Post dah thar a nih thu leh damdawi In khum 10 awmna pawh dah tura ruahmanna kalpui mek anih thu te, Mulen tlanga Polytechnic dah tura ruahman mek pawh hna \an thuai anih dawn thu te leh Internal Link road chi hrang hrang siam anih thu te sawilangin, Tuikum Bial chu Bial mawngping, khaw mawngping an ni tawh bik lo a ni, a ti bawk.
    RMSA Building thar hawn tak hi RMSA Strengthening Work hnuai ah Rs. 32,22,500/- senga sak a ni a, a sa tu contractor hi Pu R.Vanlalvena, Bethlehem Veng, Aizawl a ni. School Building sakna bakah hian Electrification atan Rs. 1,00,000/- hmuh a ni a, Furniture Fund atan Rs. 2,00,000/- leh Science Laboratory Equipment leina turin Rs. 1,00,000/- hmuh a ni bawk a. A building hi chhawng hnih a sak niin Class Room pahnih, Library pakhat, Computer Room pakhat, Art & Craft Room pakhat leh Science Laboratory pakhat a awm a, mipa leh hmeichhe tan inthiarna hran ve ve \ha taka sak anih bakah tuithianghlim in tur leh dahna tur siam a ni bawk. Govt. Chhiahtlang High School hi April 1, 1968 a din a ni a, 1970 ah Aided ah hlan kai niin , 1972 ah Deficit a ni a, December 1, 1991 ah Provincialised a ni. Tunah hian Headmistress Pi K.Zoramchhani hovin zirtirtu 12 an awm mek a, kum 2013-14 academic session ah hian Zirlai 109 an awm a, kum 2013 HSLC Exam-ah khan Zirlai Exam 21 awmin Distinction ah 3, First Division ah 11, Second Division ah 7 an passed a, pass percentage hi 100% a ni.

Popular News

Mizoram-ah Faina Hapta hman \an leh a ni

Retailer bukna diklo 3 man