Latest News

Governor hovin Onam Kut hman a ni

Kerala Cultural Forum, Aizawl buatsaihin Inrinni kalta khan Kerala State Kut pawimawh ber ‘Onam’ chu Aizawl Chanmari YMA Hall-ah hman a ni a, he Kut pawimawh tak hi Mizoram Governor, Pu Vakkom Purushothaman chuan khawnvar halin he Kut lawmna hi a hawng a ni.
He hunah hian Pu Vakkom Purushothaman chuan Kerala mi (Malayalees)-te chu mi taima leh hna thiam an nih thu sawiin, eizawnna hna avangin khawvel hmun hrang hrangah an inzar pharh mek a ni, a ti a. India ram hmun hrang hrangah leh Mizoram-ah ngei pawh, dinhmun pawimawh tak tak chelhtu an nih thu sawiin, “Hei hian Kerala mite chu an hnaa inpe zo leh anmahni ruaitute tana chhawr-tlak tak an ni tih a lantir a ni,” a ti a, an hnathawhna hmun \heuhah Kerala state tana mi chhuanawm ni \heuh tura chahin, Onam Kut hlim taka hmang turin duhsakna a hlan bawk.
    He hunah hian Governor hian Mizorama Malayalees awmte zinga zirna leh eizawnna kawnga hlawhtlinna changte hnenah chawimawina thuziak a hlan a, hemi Kut puala zirlaite tana Drawing, Recitation leh Elocution-a intihsiakna lawmmante chu Governor nupui, Dr. Lily Purushothaman chuan a hlan bawk. Onam hi Buhseng Kut niin, thawnthuah chuan Lal Mahabali thlarauin Kerala a tlawh a, hemi lawm nan hian Onam hi hman a ni ta a ni.

Comments

Popular News (Last 30 Days)