Food Security Scheme hmang turin inbuatsaih mek zel a ni.

Mizoram-a Food Security Scheme hman ve a nih theihna atan inbuatsaih chhoh mek zel a ni a, thingtlanga cheng za zela 81 chuang huam tir tur a ni.
Food, Civil Supplies and Consumer Affairs Minister Pu H. Rohluna sawi danin sorkar laipuiin a rawn ruahman dan chuan Mizoram mipui nuai 10 chuang zinga nuai 7 leh sang 6 chu Food Security Scheme hmanga buhfai man tlawm pek tur an ni a. Thla khatah mi pakhatin Kg khat cheng thum zelin Kg. nga an dawng dawn a. Hetianga dawng tura sorkar laipuiin a rawn ruahman dan chuan khawpuia cheng mihring za zela 48 point paruk an ni a, thingtlanga cheng dawng thei tur chu za zela 81 leh point pariat pariat an ni thung.
    Pu Rohluna chuan a \ul angin inpuahchah chhoh mek zel a nih thu a sawi a, chutih laiin tuna hman mek Public Distribution System (PDS) hnuaiah hian Mizoram mi zawng zawng huam tir vekin, thla khatah mi pakhat Kg. riat zel pek an ni a, Food Security Scheme tihpuitlin a nih hnu-ah hian a huam ve lohte hi PDS hmanga pek zel an nih dawn loh chuan an chanpual tur ngaihtuah a \ul dawn a. Chumi atan chuan pawisa cheng vaibelchhe tel sen belh a ngai dawn a ni, a ti. Food, Civil Supplies and Consumer Affairs Secretary Pu C. Lalvena chuan thingtlanga Food Security Scheme-in a huam tur thlang tur hian Village Council tinah Committee din a nih tur thu a sawi a, Committee-in an thlan an rawn thehluh khawm a\angin thlan fel a la ni leh dawn niin a sawi a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai