Education Minister in mi hmantlak chher tum turin fuih.

School Education Minister, Pu Lalsawta chuan, “Ram leh hnam tana mi hmantlak chherchhuah chu zirtirtute mawhphurhna pawimawh tak a ni,’ a ti.
He thu hi Mizoram RMSA Employees Welfare Association (MIREWA) buatsaih, ‘One Day Training on Universalization of Secondary Education’ nimin a Aizawl Chanmari YMA Hall-a neih a hmanpuina ah sawiin Pu Lalsawta chuan khawvel huapa kan Hnam min pholang theitu chu zirna anih thu sawiin, ram leh hnam tana mi hmantlak chherchhuah chu zirtirtute mawhphurhna pawimawh tak a nih avangin an hnaa an inpekna leh taimaknate chhawm nung zel turin a fuih a, hetianga an chhawmnung a nih chuan ‘Sorkarin a hlamchhiah ngai lovang che u,’ a ti bawk. He hun hi RMSA State Project Director, Pu P. Lalchhuanga, IAS pawhin khual zahawm nia hman-puiin zirtirtute chu ramin zirna \ha leh huapzo a neih nana hmun kilkhawr tak tak pawha an thawh \hin avangin chhuanawm a tih thu a sawi a, an mawhphurhna pawimawh tak te hlenchhuak zel turin a chah bawk. RMSA hi Mizoram-a district zawng zawngah kalpui mek a ni a, Zirtirtu 532 awmin, Clerk 81 leh Laboratory Attendant 280 nen, an vaiin thawktu 893 an awm mek a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai