Latest News

Doctor ten hlawh leh Secretariat Post chinfel an duh

Mizoram Government Doctors’ Association (MGDA) chuan thuchhuah siamin an hlawh leh Secretariat Post chu tihfel thuai an phut tih an sawi.
Nimin a thuchhuah an siam ah MGDA chuan Mizoram sorkar hnuaia thawktu hrang hrangte hlawh hi kum tam tak chhung a buai tawh tih tarlangin, hemi chinfel nan hian sorkar pawhin Committee hrang hrang leh Pay Commission hial te pawh a lo din tawh \hin tih tarlangin, tunhnaia sorkarin a din, Pay Committee 2011 in ruahmanna a siam zinga \henkhatte chu sorkarin tihlawhtlingin a tam zawk chu a la khawih ta chuang lo niin an tarlang a, hemi zinga rawtna \ha tak tak, pawl tam takin an duh, mahse la tihfel sak ve lohte hi an rilru a na hle niin an tarlang bawk.
    Hei bakah hian he Pay Committee 2011 rawtna ngaihtuah tura June 13, 2012 a Cabinet Meeting neihah khan, Doctor te hlawh siamfel dan tura Pay Committee 2011-in a rawtna ang ni lo, a dik loh dan ngai renga chhawp chhuah a ni tlat mai chu mak an tih thu leh hemi avang hian an hlawh pawh siam fel a ni ve ta loah ah ngai tih an tarlang a. He Cabinet Meeting ngaihtuah tura thudik lo (wrong information) pek a ni hi pawi an tih thu tarlangin, Pay Committee 2011 rawtna hian doctor-te hlawh a siam dik mai bakah service kalphung a siam fel bawk avangin an rawt ang ngei hian sorkarin pawm ngei se an duh tak meuh tih an tarlang a, Mizoram sorkar hnuaia thawktute hlawh chu awmze nei takin, inrualkhai takin, duhsak bik leh hlauh bik pawh nei hauh lova chingfel turin sorkar chu an ngen tih an tarlang bawk. Tin, hetih rual hian Secretariat-a Doctor-te post tura Cabinet-in kum 2007 daih tawha a rel chu tun thlengin pek an la ni tih pawh tarlangin, hei hi rang taka tihfel sak thuai turin Sorkar chu an ngen tak meuh meuh tih an tarlang bawk.

Comments

Popular News (Last 30 Days)