Damlo te tana Agriculture Department in Chhingchhip-a Khualbuk an sak hawn a ni.

Agriculture Department in WDPSCA sum cheng nuai 2.9 senga Chhingchhip CHC bula ‘Khualbuk’ an sak chu nimin khan Agriculture Department Director, Dr. C. Lalzarliana chuan hawngin Serchhip District-a Agriculture Department a thawkte Serchhip-ah a kawm nghal bawk.

Agriculture Department in Watershed Development Project in Shifting Cultivations Areas (WDPSCA) hnuaia Corpus Fund Rs. 2,90,000/- hmang an sak he Khualbuk hi Chhingchhip-a CHC Building bulah sak niin khualkhua a\anga he CHC rawn pantu damlo hruaitu te hahchawlhna tura sak a ni a, a building hi a dung ft 18 leh a vang ft. 12 a zau a ni a, he hunah hian Pu C. Lalzarliana chuan an Department hmalakna hrang hrang tarlangin, thawktu ten \hahnem ngai taka loneitute tana hna an thawk chu lawmawm a tih thu sawiin, an hmalakna avang hian Mizoram ei leh bar tharchhuah pawh a pung chho mek zel tih a sawi bawk. Hemi hnu hian Pu C.Lalzarliana hian Chhingchhip bula Mualkhang rama hmalakna hrang hrang a thlir bakah Chhingchhip-a MIFCO in thei leh thlai an sawngbawlna bawlhhlawh te Agriculture Department in an hmang \angkaia lei\ha siamna leh Bawngek hmanga lei\ha siamna tur an buatsaih chu a tlawh nghal bawk a, helai hmun a\ang hian kumin November thla khian Changpat ek lei\ha hi tharchhuah theih beisei a ni.
Hemi hnu hian Pu C. Lalzarliana hian Serchhip-a FIAC Hall-ah Serchhip District chhunga an Department hnuaia thawktute a kawm nghal a, he hunah hian Pu C. Lalzarliana chuan an Department chu langtlang taka kalpui a nih thu sawiin, an sum hmuh te pawh District hrang hrangah semchhuah nghal zel a nih thu a sawi a, an Department hnuaia District hrang hranga thawktute chu an hmalakna hlawhtlinna bul an ni tih sawiin, Chief Minister leh Chief Secretary te hnen a\angin Letter of Appreciation an dawn tawh thu leh sorkar laipui a\angin Krishi Karma Award an dawn tawh thu pawh sawiin, heng chawimawina an dawn zawng zawngte hi District hrang hrang a\anga thawktute avanga an dawn a nih thu a sawi a, hun lo kal zel turah pawh \hahnem ngai taka thawk chhunzawm zel turin a sawm nghal bawk. He hunah hian Serchhip District chhunga he Department hmalakna hrang hrangte chu Powerpoint hmanga entir a ni bawk a ni. Hemi hnu hian Pu C. Lalzarliana hian Ser-chhip Zawlpui Phai-a Buh chinna chu a hmunah kalin a tlawh nghal bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai