Champhai-a Sports Stadium sakna tur lungphum phum a ni.

Champhai Zotlang-a Sports Stadium sakna tur lungphum chu nimin khan Land Revenue & Settlement Minister, Pu JH. Ro\huama chuan a phum.

UD&PA Department buatsaih Sport Stadium Lungphum phum a nih hnu hian Zotlang-a Mangkhaia Hall-ah inkhawm neih niin he hunah hian Pu JH. Ro\huama chuan Champhai hi Sports lamah kan duai lova, Sokarin hetiang hmun min pe leh a ruangam a lang \an te, a hmunin a lo zir lehzel te hi a lawmawm em em a ni, tiin kan \halai te’n practice na tur hmun \ha an nei hi a lawmawm hle a ni, a ti a, Sorkar hmasawnna tur atan hian Minister leh MLA te chauh hi an pawimawh lova, mipui nena \anrual a ngaiin taihmakna leh rinawmna nen Zoram hian hma ala sawn zel ang, tiin Zotlang Field leh Stadium Zoram pum tan a ni tih thu a sawi bawk. Central Sorkar chuan Champhai Zotlang-a Stadium sakna atan hian cheng Nuai 2238.69 an rawn sanction a, hei hi 10% Lumpsum Grant for North Eastern Region including Sikkim hnuai a\anga hmuh a ni a, he Sports Stadium-ah hian International Standard Football Ground (100m x 64m), Long Jump, Triple Jump & High Jump pit leh Runway, 8-Lane Running Track, Weightlifting Hall, Concrete Gallery, mi 1500 vel \hut theihna, Commentary Room, VIP Room, Players changing room leh Sports Official Room te awm tura ruahman a ni.