Bharat Nirman Public Information Campaign vawi 25-na Serchhip District-ah neih \an a ni.

Sorkar Laipuiin thingtlang hmasawnna tur leh mirethei te dawm kanna tur atana ruahmanna a siam chi hrang hrang mipuite hrilhhriatna hun, Bharat Nirman Public Information Campaign chu Mizoram-a a \um 25-na leh Serchhip District-a a \um thumna atan nimin khan  Serchhip-ah neih \an a ni.

    Ni thum chhung awh tur Bharat Nirman Public Information Campaign hawnna nimin a New Serchhip YMA Hall-a neih hi Lt. Col. (Rtd) Z.S.Zuala, Parliamentary Secretary chuan khuallian nia hawngin sorkar laipuiin mipuite hmasawnna tur rahbi a chhawpchhuahsak chungchang inhrilhhriatna hun remchang siam a ni \hin chu thil \ha tak ni a a hriat thu leh mipuite pawhin an chanvote hrechiang tura ngaihven chu an tihmakmawh nia a hriat thu a sawi a, Bharat Nirman Programme kaltlang hmasawnna tura ruahman Project hrang hrangin kan ramah a \ha zawngin rah chhuahin chu chu mipuite pawhin kan seng mek nia a hriat thu a sawi a, mipuite pawh tun aia nasa lehzuala heng hmasawnna hnathawh chi hrang hrangte hi ngaihven turin leh, Sorkar hnathawkte pawhin dik taka an thawh theihnan vil peih a lo dawngsawng thiam \hin turin a chah bawk.
    All India Radio (AIR) Aizawl-a Programme Executive, Pu Biakchungnunga he hunah hian khual zahawm nia he hun hmanpuitu District Bawrhsap, Pi Juhi Mukherjee chuan Bharat Nirman chu mipuite pual anih ang ngeia mipuite pawhin an chhawr \angkai a beisei thu a sawi a, tunhma chuan hmasawnna hi Economic Development a\ang chauha tehin, kan sum lakluh tam leh tam loh ah teh a ni \hin a, tunah erawh chuan hmasawnna tehfung atan Human Development telh a ni tawh a, mihring hriselna, zir thiamna te tel lo chuan hmasawnna tluantling a awm tak tak thei lo a ni, a ti a, Sorkar hnathawkte chu mipuite tana an hnathawh hi mipuiten an hriatpuia an hriatchian a pawimawh a ni, tiin Media te pawh mipuite sukthlek siam sak tu pawimawh tak an ni tih in hria a mipuite tan \hahnemngai turin a ngen a, mipuite chu Bharat Nirman Public Information Campaign chhung ngeia an ham\hatna tura sorkarin ruahmanna a siam chungchang a an hriat duh leh mamawh apiang dilchhut taka zawt turin a ngen bawk a ni.
    Nimin a Public Information Campaign-ah hian chawhnu lamah Technical Session hman a ni a, he hunah hian National Rural Health Mission (NRHM), Mizoram State AIDS Control Society, Disaster Management & Rehabilitation, Food Security Bill, Aadhar. Total Sanitation Campaign, MGNREGS, SSA leh Mid-Day Meal chungchang te zirho a ni a, mipui lam a\anga hriatfiah duh chi hrang hrangte zawhfiahna hun buatsaih a ni bawk.
    Bharat Nirman Public Information Campaign Thawhhnihna (Phase-II) hi August ni 14, 2013 khan Delhi ah bul \an a ni a, thupui atan “Glimpses of the India Story’ tih chu hman niin kalphung pawh thlak danglam a ni a, Public Information Campaign hi a rualin hmun thum ah tal neih tur ni tawhin tunah pawh hian Main Venue ah New Serchhip hman a ni a, Satellite Venue atan Khawlailung leh Keitum te hman an ni bawk. Ruahman dan chuan New Serchhip ah hian September ni 11 a\anga ni 13 thleng PIC hi neih a ni ang a, hetih rual hian Satellite Venue chu Vawiin hian Khawlailung-ah leh naktuk-ah Kei\um ah te neih a ni dawn bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man