|awipui North-II a tualthattu Police te hnenah inpuang tawh.

|awipui North-II a tualthahna rapthlak tak thleng chu C. Lalramzauva s/o Lianngengi chuan Police hnenah a tih a nih thu a inpuang nia thudawn a ni.
Hemi chungchanga kan thulaknain a tarlan danin Lalramzauva hian a nu, a u leh a u fapa a thahna chhan ber chu Thawh\anni khan nupui neih a duhthu hi a Nu leh a U Vanlalbela te hnenah hian a sawi a, mahse an remtih loh avangin a thinrim chuan a chhung te hi a thah tak mai thu a inpuang niin Police-te chuan an sawi a. A chhungte thah na’n hian anmahni hmanrua, Hachhek, Tuboh leh Ring Rod a hman thu sawiin, a chhungte a thah hnu hian heng tualthahna hmanruate hi silfai thlap in a hma a an lo dah tawhna satha ip chhungah a dah leh vek niin a sawi bawk. A chhungte a thah hnu hian misual kut anga lantir nan an Steel Almirah kha kar chhe ta niin a in sawi a, mahse a chhunga safe kha a hawn theih loh avangin a chahbi pangngai a a hawn leh thu a sawi bawk.
    Police hnena a inpuan danin nupui neih a duh thu a chhung te a hrilh hnu a, a chhungte’n an remtih loh thu an hrilh avanga thinrim chu Thawh\an zan hian a bialnu te in a riak turin a chho a. An In a chhuahsan hma hian tukverh te chu kalh lovin a nam khar a, zan reh tawhah a bialnu hriat loh hlana chhuakin a tukverh kalh loh a\ang chuan an Inah hian a lut a, In chhunga a luh hnu hian a U, Vanlalbela muhil lai chu that hmasa berin Satha ip a\anga Tuboh leh Hachhek chu la-in a U bekah chekin tuboh in a chhu zui a, banga Ring Rod an dah chu la in a U hi a vit bawk a ni. Hetihlai hian a U fapa Chhakchhuakthanga chu a lo harh deuh a, he naupang hi khumtlangah a lu tauhin a mit kovah tuboh hian a chhu pial leh a, he an thawm hriaa a Nu (Pi Lianngengi) rawn tho chu Tuboh hian a vai let \huai a, ka pawh chhawn lovin a thi zui ta niin a sawi bawk. A nu ruang hi tlangban a Hrukpuan-a khuhin rukru chetna ni awm taka lantir tumin an Steel almirah pawh a suasam nghal thu a sawi a, pawisa lak tur vak erawh an almirah-ah hian a awm lo niin a sawi bawk.
    Lunglei Police Station-ah hian tualthah leh thubuai hrang hrang ziah luh a ni a. Tualthattu-a puh Lalramzauva hi Inrinni khan Lunglei District Court-ah a hruai a ni a, Court chuan Sazaikawn-a District Jail-ah a thawn nghal a ni. Tualthattu nia puh a in puang tih an hriat veleh hian |awipui N-II khawtlang chu Bus-2, 407 truck, Car leh lirthei awm ang angin Lunglei panin an kal ve nghal a, Lalramzauva hmel hmuh an duh thu Police-te an hrilh a, anni’n Sazaikawna District Jail-ah thawn a nih tawh thu an hrilh chungin Lunglei Police Station tualah an pungkhawm a. Buaina chhuak a awm lo niin Police hotute chuan an sawi a; District Jail-ah pawh Police tam zawk tirin venhimna uluk taka kenkawh a ni.

Popular News

Mizoram-ah Faina Hapta hman \an leh a ni

Retailer bukna diklo 3 man